TUTUR KUTANG-KUTANG

Tengaine ento Nang Tegteg ngajak pianakne I Mengong enu jungklang-jungkling di tengah carike sedeng mamula. Sunaran matanaine ngancan pangat morborin kulit. Nang Tegteg ngaukin lantas ceningne apang mareren  mamula.

Nang Tegteg : Cening Mengong, mai ning..! Mareren malu.
I Mengong    : Nah Nang...! Jani icang kema.

Nang Tegteg : Ning..!
I Mengong    : Nang..!

Nang Tegteg : Ning..!
I Mengong    : Nang..!

Nang Tegteg : Ahhh.. kal cara gambelan ne?
I Mengong    : Men engken Nang?

Nang Tegteg : Kebus ja gumine cara jani ning.
I Mengong    : Ae nang, tengai tepet toh. Sedeng tajeg surya.

Nang Tegteg : Bedak bungute bana.
I Mengong    : Yeh daarin.

Nang Tegteg : Men yen yeh daar, nasine kuding Ning?
I Mengong    : Inem Nang..!

Nang Tegteg : Sing mabading Ning?
I Mengong    : Kango ja keneh cange Nang!

Nang Tegteg : Ahh.. adi keto?
I Mengong    : Mula Keto!

Nang Tegteg : Pelih to...!
I Mengong    : Nyen ngorang pelih Nang?

Nang Tegteg : Nanang mara..! Sing dingeh Ci?
I Mengong    : Ohh Nanang mara ngomong?

Nang Tegteg : Ae...!
I Mengong    : Ngomong to?! Kaden cang Nang ngarenggeng..!

Nang Tegteg : Ahhhh.....???????

Makelo ajaka dua saling takonin saling cangkitin nutur di kubune, nanggehang rasa bedak rasa seduk. Men Mengong, kurenane Nang Tegteg suba ngliwatin jam konden masih teka ngaba takilan.

I Mengong    : Nang, layah basang cange..! (sambilanga pules)
Nang tegteg  : Patuh.

I Mengong    : Naang, layah basang cange..!!
Nang tegteg  : Patuuh..!

I Mengong    : Naaang, layah basang cange..!!!
Nang tegteg  : Patuuuh...!

I Mengong    : Naaaaaaaaaaaaaaaaaaang, layah basang cange.......!!!!!!!!!!!!!!! (nengkik)
Nang tegteg  : Patuuuuuuuuuuuuuuuuuuuuuuuuuuuuhhhhhhhhhhhhh...!!!!!!!!!!!!!!!!! Bengkung Ci..!! (gedeg)

I Mengong    : Hick... hick...hick..... Nang layah basang cange. I Meme ija? Nasine sing teked2...? (nyelempang, bayune oon)
Nang tegteg  : Sing tawang, memitra jenenga..!! (ngekoh nyautin)

I Mengong    : Ahhhhh....?? Memitra Nang??? (semangat, ningkrik ling tongosne pules)
Nang tegteg  : Miribbb....!! (ngekoh nyautuin)

I Mengong    : Aseeekkkkkkkkkkkkkkkk............!!!! Ngelah bapa baru..!! Orin ngalih mitra ne sugih Nang! Pang cang sing melarat di carike kene...!! wkwkwkwkwk.... aseekkkk.. aseeekkk.... (liang, nyaruang seduk)
Nang tegteg  : Ahhh.... Apa orang Ci To Mengong?? cakcak cang nas cine..!! jelema wangla jak nak tua!! (gedeg laut nyemak gitik nigtig I Mengong)

I Mengong guekk.. gueekkk.. naanang sakit awakne katigtig baan Bapane! Pedalem.