Bungut Gebuh (Orang Yang Suka Membual)

Ilustrasi Bungut Gebuh

Om Swastyastu sameton Blijul, ring dija ja magenah, nongos or nengil. Kacunduk ring kaketikan/tulisan puniki, mangda sami panggihin titiang kenak lan rahayu. Keto pinunase, pang pada galang ajak makejang. Pang pada paedah ja konyo. 

Galah mangkin Blijul dot matetimbangan unduk frase "Bungut Gebuh." Taen ningeh kan? 😆 Ada ne ngelah kebiasaan dadi jelema mabungut gebuh? Jangan ya dik ya! 

Peparikan (Lacur Nganggur)

Jaja uli tekén kerupuk,
Jaené Seduhin kopi bubuk,
Uli dibi tusing tepuk,
Kija gén né, mirib sibuk?

Cicang misi kerupuk,
Gadung ulig dadi serbuk,
Cang sing ja sibuk,
Kadung iseng nginepin i ayuk.

Udeng batik asli tenunan,
Saka bale misi tilu kuluk,
Sedeng asik paduanan,
Teka nanangné milu masi maseluk.

Kapur majeneng pupur,
Buah anggur enu sisa,
Lacur nasib ciné nganggur,
Mirib nganggur sing madewasa.

#edisiiseng #pkj15

PARIBASA BALI "CECANGKRIMAN"

Cecangkriman inggih punika silih sinunggil paribasa Bali. Munggah ring pahan Paribasa Cecimpedan (teka-teki), yaning ring Cecimpedan kadasarin antuk kruna pangawit "Apake..?", nanging ring Cecangkriman (syair teka-teki) nganggen pupuh tur katembangang. Pupuh sane lumrah kanggen inggih punika Pupuh Pucung.

1. Bapa Pucung, umah bapa di alas agung, bengkuk pengadege, awake mabulu pipis, pawah cakluk, layahe selep-selepang. pasautnyane: klesih (trenggiliing) 
2. Dratdat-drutdut, bingah-binguh liwat inguh, nyumbil sisin pagehan, padidi sing dadi ngranjing, nene catur, nyamane suba di tengah. pasautnyane: anak nginang (orang makan sirih) 

PEPARIKAN

Basita Paribasa : Peparikan

Peparikan puniki pateh sekadi wewangsalan, sakewanten binanipun wewangsalan punika wantah kalih palet (carik), yening peparikan kawangun antuk petang palet dados apada (satu bait) taler mawirama (berirama). Yaning saihang ring kasusastraan Indonesia, minab sekadi "Pantun". Peparikan kruna lingganipun "parik" artinipun awi (karang), polih pangiring -an dados parikan, kaduipurwayang dados peparikan, artinipun awi-awian utawi reragragan.