Bungut Gebuh (Orang Yang Suka Membual)

Ilustrasi Bungut Gebuh

Om Swastyastu sameton Blijul, ring dija ja magenah, nongos or nengil. Kacunduk ring kaketikan/tulisan puniki, mangda sami panggihin titiang kenak lan rahayu. Keto pinunase, pang pada galang ajak makejang. Pang pada paedah ja konyo. 

Galah mangkin Blijul dot matetimbangan unduk frase "Bungut Gebuh." Taen ningeh kan? 😆 Ada ne ngelah kebiasaan dadi jelema mabungut gebuh? Jangan ya dik ya! 

Crocok Berok (CBR) Lebian Raos Sing Ada Tai

Blijul ketemu timpal Gokil

Sameton Suta Abimanyu, Rahayu sareng sami. Suksma sampun simpang ring blog puniki. Sira Uning tertarik simpang ulian nyingak judul kaketikane puniki (lamun nulis kan gaguratan wastane, lamun ketikan di keybord laptop/PC, kaketikan gen pun sepakatin ngih! Demen-demen atin tiange gen ja Gung 😆Jeg tampi, keto!). 

Napi sane mawasta Crocok Berok (CBR) puniki? Sira uning?

Céléng Uli Papua - Nang Tegteg lan I Mengong

 

Nuju dina Anu, Nang Tegteg meli céléng ajak Yones nak Papua ané ngoyong delod désa. Teked jumah lantas ngorain pianakné, I Gede Méngong tugas ngawai ngemaang ngamah celengné di teba. Mapan iya lakar ngojék.

Sibuk Dadi YouTubers Jani

Sué tan polih nyurat, sué tan polih magatra, kangen kerasa. Buka gendingané Widi Widiana keneh-kenehang. 😁 Lek, tiang ajak sameton Sutha Abimanyu (SA) sané sering mlancaran meriki nanging tan polih napi. Umpamiang sawah, sampun suéné carik tiangé eneng, tuh gaing tan patoyo. 😅😅

Pikobeté tan ja akéh sujatiné. Tuah ja sibuk turmaning males, ten bisa ngatur waktu, inspirasine buntu, muang wénten karya tiosan sané mikobetin, indik swadharma ngrahina pinaka abdi masyarakat, kurenan, dados bapak, kepala rumah tangga, msl.

Wénten taler peplalianan anyar mangkin sané ngamolihang hasil. Hehehe... 😄😄 realistis idup tiangé, tiang perlu kin pipis, ané ngasilang pipis malu bakat gaénin tiang. Nuutin jaman lan selera pasar masih bedik-bedik, nanging tetep di jalur idealisme pedidi. Hehehe.. 😁😁

Iseng tiang ngayoutube cara mangkiné.  Gabung di addsense, polih pancingan akidik jeg gedé bayuné terus bereksplorasi di youtube. Mirib sameton SA akéh taler dados youtuber ngih? Madue Vlog? Buihh mantap. Terus berkarya ngih. Yén tiang nak tuah mlajah milu-milu tuung manten. 😁 Nuutin jaman kémanten apang ten ketinggalan masih.

Dadosné, sepi pun kadi niki. Kudyang men? Hehe.. budi niki uletang ngurek, masih amonikian. Sameton sané simpang masih keni ban ngeték. Niki aget-aget wenten nak memaca tulisané niki. Ba aget yen ad memaca, napi malih madaging komen ring sor. Nyumingkinan nyak mabayuan bedik makita ngeblog. Pet prade pun nulis, anak komen sing ada, anak memaca masih sing ada, jeg males bana nulis. Hehehe... maklum ngih, nulis nika nak perlu energi 😂😂😂.

Kéto gén. Tabik.

Kendari, 13/8/2017
Simpangin titiang ring:
ig_ julpande
Twitter_ @jul_pande

MALES

Engkén nah? Jeg bingung tumben awaké né! Jani Saniscara, kabenengan awaké libur, ajak makejang. Kurenan panak masih libur. Sakéwala jeg males pesan awaké matindak-tindak. Bangun suba tengai, bangun ngenceh nolih kasur buin glebug. Aruhh jaen kasuré!

Gaénanga kopi ajak kurenane, nginum kopi buin glebug! Gulak-gulik, cara tanpa tulang doén. Lemes! Males!

Yén tolih ké umahé daki, di aep umahé bet, blakang masih bet. Sabates nulungin kurenané mabersih-bersih, nyampat ngepél nak nyidaang asana. Kwala jeg males, payuan cara jani mecil hp. Aget panaké degeng mabalih video lagu anak-anak, kurenané manting, sibuk makejang. Sing bna ada ngulgulin awaké males-malesan. Hahaha..!! Sakit grieng!

Sing ja éngkén, di Celebes jam 10 semeng jeg ba panes bara guminé. Nto makada aké males. Kar pesu panes, kar nyemak gaé énggalan ibuk uyak peluh. Opek dadiné. Kar berkebun males ulian panes guminé. Aduh, manja gati awaké!

Seledétina mara ajak kurenané awaké nu gulak-gulik di kasur, jeg nélep ya, kar énggalin makisid ka ruang tamu buin maglebug, sambil mecil hp. Hahaha...! Bisepan bisa ngopak somahé né! Arus siap-siap jurus ampuh. Hehe..!

Kudyang men? Ba ja MALES! Ngorta-ngorta sing kéto?! Pasti liu muani-muaniné cara awaké o? Hahaha..!! Nah istirahat malu ajebes néh! Mumpung libur, da doén istirahat selama-lamanya. Nyan sing bangun-bangun nyen. Jikping..! Tok, tok, tok!

Saniscara Umanis Medangkungan
Kendari (12/11)

BUANG "Da Ulah Ngumbar Barang"

"Jero nak bajang, dadiké tiang, matakon nyén ké adan jeroné. Bok lantang, Jit gedé tangkah ngonyol tan pakutang. Makenyem ngenah gigi gingsul isité ngembang rijasa. Mapakaian mini di duur entud ngawé buang tiang nénggél...."

Sameton Sutha Abimanyu (SA) wénten uning lirik tembangé ring ajeng? Admin ngetik lirikné sambil nginget-ngingetang masih niki, maimbuh makenyir ngendingang tembang sané mateges "Nénggél" duén Kakin Pop Baliné, bli Yong Sagita. Tembang puniki sampun suwé, lirik nakal nanging sarat antuk kritik sosial. 

Kritik majeng ring para bajang-bajangé jani, sané sampun ngancan bani nuutin panglimbak aab modernisasiné. Antuk tata cara mabusana sané kaon ring tata susila utawi sopan santun. Nanging, becik anggén genah cuci mata alias refreshing para lanang-lanangé. Cocok buka gendingé, ngawé buang nénggél.

Napi mawinan asapunika? Mapan para istriné mangkin, tan médayang umur, saling pabalapin mapanganggé sarwa mini, utawi sarwa gantut. Celana di bongkol paa, baju lengen sipah maléglég, pungsed ngenah. Ujug-ujug majalér, jalérné léjing tur ketat. Imih, buka nangka tapisin, makejang ngenah lekukan lan benjal-bénjol jit, paa, siksikan, basang, muah lepitan kompékné ngenah. 

Aduh, serab bulun kalong admin nepukin ané buka kéto. Ngango baju laglag-maléglég, bongkol nyonyoné jelapanga pang ngenah. Kudiang muaniné sing BUANG paminehné? 

Mara lantas gulgulina, nyambat ngorang, "Matan muanina, sing nyidang sing nolih barang malenyig bedik!". Toh, pelih muaniné, sautina lantas, "Lamen sing tetujoné ngumbar barang, ngaléklék pesu sémi malalung?".

Kénten aab guminé. Sing suba nyalahang sex bebas nyansan ngeraméang, kondom ngancan nglaisang, kejahatan sexual ngancan liu. Kanti anak-anak kena imabas pelécéhan sorohan phedopilia. 

Jelema salah gaul masih liu, paturu muani, saling tumpluin jit. Paturu luh saling garapin carik duang lepit lan tumpeng duang gunukan cenik. Salah tongos ngaba BUANG. Béh.

Unduk tutur Agama sing ja kuang, kudang pendharma wacana masuang tutur, kudiang media nayangang dharma wacana. Dadi jeg berbanding lurus. 

"STMJ né jro, pang pada memargi. Pang bélen." Kénten raosé dimarginé. Kocap STMJ, Sembahyang Taat maksiat Jalan. Toh..? 

Sira kar pelihang? Aduhh... tuturé ba luntur, ampehang plaib sepur. 

Kendari, Soma Wagé Tambir (31-10-2016) - PKJ.

Binan Nak Luh Jak Nak Muani Pesu Uling WC Umum

Ngorta-ngorta, wénten sameton Sutha Abimanyu sing ngelah WC? Apakah 2016 nu meju di teba? ngenceh di bucun témbok umahé? Ato ija ya kenehé sembarangan?

Adahh..! Jorok to. Biasané nak di desa ngitungang sing tongos ngenceh, dija gén, asal bengang bedik jeg coorrr. Pasti ba boné mangsit sengir, ngir.. ngir.. ngir. Hahaha. Semeng-semeng siamina jak i mémé aji yéh anget sisan nyakan nganggo dangdang. Makesyur boné! Hehehe... (pngalaman admin né).

Kwala admin sing kar ngulikang satuané ento! Unduk meju di teba lan ngenceh ngulah laku totonan.