Teks Berjalan

Om Swastyastu, Sameton Sutha Abimanyu, Swasti Nawa warsa 1939 Shaka, Rahajeng Nyanggra Nyepi (28 Maret 2017) Dumogi Iraga ngamolihang pamargi rahayu lan santih, Om santih, santih, santih.

Tuesday, August 7, 2018

Linuh Gejer Agung 7 SR ring Lombok-Bali

Sedih pisan tiang ring rantau nyingak kawentenan nyama Braya di Bali lan Lombok. 😭😭😭 Dumogi nenten wenten malih gejer sane ngrauhin. Turmaning Rahayu nyaman-nyaman titiang sami. 🙏

Wednesday, May 23, 2018

Tiang Nak.....

Tiang nak belog,
Tiang nak polos,
Tiang nak dueg,
Tiang nak bani,
Tiang nak bares,
Tiang nak demit,
Tiang nak getap,
Tiang nak rengas,
Tiang nak dabdab,
Tiang nak kiul,
Tiang nak gencang,
Tiang nak mayus,
Tiang nak lengeh,
Tiang nak nawang,
Tiang nak tabah,
Tiang nak jejeh,
Tiang nak sengap,
Tiang nak mele,

Men tiang nak engken?! 🤔

(KDI, 23/05/2018-PKJ)

Monday, October 30, 2017

Penampahan Galungan: Asikk Ngelawar?

"Om Swastyastu, Rahajeng nyanggra rahina Galungan sameton Sutha Abimanyu (SA), dumogi ja satata ngamolihang karahayuan sami. Om Swaha."

Anggara Wage nuju wuku Dunggulan, kawastanin Penampahan Galungan. Para kramane sibuk, mebat makarya olah-olahan kanggen ring Galungane. Olahan katur majeng ring Bhatara-Bhatari ring merajan, muah katur ring Bhatara Dalem, pasne dalem perut. Kan nika utama masih ngih? 😁 Mangda nenten ngarebeda sang bhuta Galungan, Bhuta Dengen, lan Bhuta Amangkurat. 😁😁😁😁😁

Napi ajak Makejang mebat di Penampahan Galunganne? Wajibkah mebat lan ngae olah-olahan niki?
Indayang pinehang, lan ngiring mabligbagan..😂👍

Wednesday, September 13, 2017

Malajah Memaca Sloka UDG


Sameton SA sane kantun seneng simpang meriki, niki aturin titiang conto ngwacen utawi nembangang sloka lan ngartosnyane. Ngwacen nganggen reng Sruti. Dumadak sida maguna angggen iraga sareng-sareng malajah. Matur suksma sane sampun kayun simpang, elingang share ring sameton tiosan sane oneng ring malajah masloka.

Sunday, August 13, 2017

Sibuk Dadi YouTubers Jani

Sué tan polih nyurat, sué tan polih magatra, kangen kerasa. Buka gendingané Widi Widiana keneh-kenehang. 😁 Lek, tiang ajak sameton Sutha Abimanyu (SA) sané sering mlancaran meriki nanging tan polih napi. Umpamiang sawah, sampun suéné carik tiangé eneng, tuh gaing tan patoyo. 😅😅

Pikobeté tan ja akéh sujatiné. Tuah ja sibuk turmaning males, ten bisa ngatur waktu, inspirasine buntu, muang wénten karya tiosan sané mikobetin, indik swadharma ngrahina pinaka abdi masyarakat, kurenan, dados bapak, kepala rumah tangga, msl.

Wénten taler peplalianan anyar mangkin sané ngamolihang hasil. Hehehe... 😄😄 realistis idup tiangé, tiang perlu kin pipis, ané ngasilang pipis malu bakat gaénin tiang. Nuutin jaman lan selera pasar masih bedik-bedik, nanging tetep di jalur idealisme pedidi. Hehehe.. 😁😁

Iseng tiang ngayoutube cara mangkiné.  Gabung di addsense, polih pancingan akidik jeg gedé bayuné terus bereksplorasi di youtube. Mirib sameton SA akéh taler dados youtuber ngih? Madue Vlog? Buihh mantap. Terus berkarya ngih. Yén tiang nak tuah mlajah milu-milu tuung manten. 😁 Nuutin jaman kémanten apang ten ketinggalan masih.

Dadosné, sepi pun kadi niki. Kudyang men? Hehe.. budi niki uletang ngurek, masih amonikian. Sameton sané simpang masih keni ban ngeték. Niki aget-aget wenten nak memaca tulisané niki. Ba aget yen ad memaca, napi malih madaging komen ring sor. Nyumingkinan nyak mabayuan bedik makita ngeblog. Pet prade pun nulis, anak komen sing ada, anak memaca masih sing ada, jeg males bana nulis. Hehehe... maklum ngih, nulis nika nak perlu energi 😂😂😂.

Kéto gén. Tabik.

Kendari, 13/8/2017
Simpangin titiang ring:
ig_ julpande
Twitter_ @jul_pande

Related Posts Plugin for WordPress, Blogger...