Para ida dane sareng sami minab sampun uning buah napi niki? Ngih, patut pisan! Niki buah buni utawi boni. Sane seneng ngarujak pasti sampun lumrah teken buahe niki, napi malih para lingsir-singsirne, jeg pasti sampun nawang. Punyan Buni niki akeh pidan tumbuh ring tegal-tegale. Nak alit-alit lan anom-anome mangkin akeh sane ten nawang buah buni niki, mapan kawentenan buahe puniki ngancan ical (langka), mapan akidik jadma sane kayun ngalestariang.
Ngarujak Buni paling jaen nganggen panglocokan ngolahne, jangin uyah tabia lan sera matunu, buihh... jeg ngetel paese bana ritatkala ngalocokne. Buah buni lumrah kanggen nyampur "rujak bebek". Buahnyane cenik-cenik, magencet kadi anggur, rasane masem-masem manis. Yening bas liu naar buni, makada layahe mawarna pelung.
Buni len kin dadi rujak, nak bisa masih dadis tamba (ubad). Napi mawinan?
Kandungan gizi lan fitonutrienyane dahat akeh pisan. Buah buni madaging Vitamin C, Provitamin A, Vitamin B1, Vitamin B2 dan Vitamin E. Taler Mineral Besi fosfor, photasium/kalium, miwah malimpah kandungan seratnyane. Hemmmm... ajin masem, liu masih kandungan gizine. Men napi manfaatne?
Kandungan gizinyane becik pisan kanggen menjaga kesehatan mata, mapan kandungan Vitamin A-nyane dahat akeh. Nglancarang saluran pencernaan lan nambekin konstipasi. Taler kanggen Antioksidan lan menjaga kekebalan tubuh.
Khasiatnyane taler akeh niki. Ternyata buah buni madue khasiat nyegerang pinyungkan jantung berdebar, kirang rah (kurang darah), darah tinggi, miwah pinyungkan kotor (sifilis). Caran ngolahnyane mangda dados tamba matios-tiosan, wenten ajeng langsung, taler wenten locok/incuk dumun, taler wenten sane malablab dumun.
Wah, jeg liu ternyata manfaat buah Bunine. Yen kene, nyandang i raga nanem punyan Buni apang liu. Apang terus lestari buah Bunine kariwekas. (pandejul)
... ngetel paos tiange memaca tulisanne... http://sudiatmika.com
ReplyDeletehahaha... tiang masih dot jak rujak boni,, kwala driki ring jkarta ten wenten rujak boni,, hahahaha
Delete