Malajah Memaca Sloka UDG

Sameton SA sane kantun seneng simpang meriki, niki aturin titiang conto ngwacen utawi nembangang sloka lan ngartosnyane. Ngwacen nganggen reng Sruti. Dumadak sida maguna angggen iraga sareng-sareng malajah. Matur suksma sane sampun kayun simpang, elingang share ring sameton tiosan sane oneng ring malajah masloka.

Adan Panak Beburon

Admin asane sampun naenin ngae sasuratan niki, nanging kantun macampuh sareng tulisan tiosan, durung mawasta khusus panak beburon, turmaning durung kadagingin gambarnyane. Nah, mangda danganan mlajahin akidik ring alit lan anom-anom duene, wawanin tiang ngawedalang sasurate puniki. Sampunang kija-kija, tetep sarengin Sutha Abimanyu (SA) ngih.

1. Panak Siap

Panak siap madan pitik.

Adan Capung Cara Baline

Kadung iseng admin SA googling ngalih gambar, nyingak lantas gambar capung, jeg kadaut bayune nyarca adan capung, beneh kin pelihe unduk adan capunge ene nak mabinaan nyan soang-soang, pet prade ada ne mabinaan, diolas imbuhin nyen jro pamilet Suta Abimanyu. Suksma.

Cekidot jro..!!

1. Capung Engkuk

Capung Engkuk

Capung Engkuk niki jeneng capungne Poleng cara tentara, dadi masih orang capung Abri. Hehehe...! Keneh admin ngorang gen ja. 😁😁 Capung niki jangin clengis laut pepes jaen gati jro.

MAMISUH - NGALUSANG KRUNA

Mamisuh, wantah kria sane kaucap tuna utawi kaon yening rerehang ring sadaging agama. Napi mawinan asapunika? Mapan mamisuh pastika nganggen kruna-kruna sane kasar, kruna sane nenten dados kabaosang sakita arep, pinaka kruna sane nyihnayang sang sane ngucapang madue pikayun brangti ring sang kaucap.

Daweg puniki titiang polih mabligbagan sareng sameton ring group Wija Kasaur, Sameton titiang kabenengan saking warna ksatriya, saking sue tan polih budal ka kampungnyane, dane kacapatin ring warung antuk sameton sane wenten irika (kabenengan saking sudra). Yan saking mabeki utawi macanda maguyonan lampahnyane, polih dane mireng anake punika ngomong nganggen kruna kasar, sakadi mecanda ipun, kemaon yening kapinehin antuk dane tetep ipun mamisuh.

Lengkaran ipun sapuniki; “Sungkan ageng atu!, tumben titiang kapanggih sapunapi gatrane?”


Pabligbagan titiang rauh ring kruna "Sungkan Ageng". Napi gumanti wenten utawi dados kruna sane kaanggen mamisuh nika kaalusang? "Sakit Gede = Sungkan ageng".

Ungkuran puniki ring abb jagate mangkin globalisasi, para anom-anome ngaraos nenten ja malih nyingak warna, napi malih sampun masawitra becik, sinah ngaraosnnyane sampun pada campah. Basa kadi puniki mangkin keanggen basa gaul para truna trunine. Mapan uning sawitrannyane saking warna sakadi brahmana utawi ksatriya, nyelapang ipun ngraos kasar nanging kahalusang basannyane, kadi ring sor puniki malih. 

1. Prabu purus (Nas keleng), atu né cingak tiang ring TV nik?

2. Atu mula jelema sungkan grieng (sakit grieng)

3. Asu jerone! (cicing ci), msl.

Wantah buka bikul pisuhin para anomé ngraos. Nyansan tombaang nyansan demen mamunyi campah. "Méh nyen, gelu ci!" kénten abetné.

Trus sapunapi patutné iraga?

Né mangkin iraga patut ngarenga, milah-milah sané cérn patut, sané cén kaon. Sané cén dados ucapang, sané cén ten dados. 

Patut uning ngenaang basa mangda nénten kaungkur nyansan campah ring para lingsir. Yéning ngraos sareng paturu truna-truni turmaning sampun sawitra raket, dados kémanten, sakémaon sampunang kantos ring puri/jero/griannyané ngraos kénten, napi malih kantos kapireng olih lingsirnyané. Gumanti nika nénten becik. Basa punika budaya, yén ten iraga nglestariang lan ngajegang sané patut, sira malih? 

Sampunang auranga samian basa Bali duéné, mangda generasi muda Bali sane jagi rauh nénten nampi basa Bali sané iwang utawi kaon. (PKJ)

MAPATUNG

"Alit-alit ajak makejang, dugas Penampaan Galungane ditelun aji kuda mapatung?," patakén Bapak Guru tekéning murid-murid kelas 5 SDné tatkala nyumunin masuk masekolah.

"Bapan tiangé mapatung aji satak tali Pak Guru," saut I Ngenteg uling bucu Kaja Kauh sambilanga menékang lima.

"Bapan tiangé aji karoblah tali manten Pak Guru, nak céléng gédé kocap, madum sareng akéh," saut I Nyoman Cékot sada kenyem-kenyem.

Leak lan Pangiwa Matiosan?

Kocap, leak lan aji pangiwa nika mabinayan? Napike patut asapunika?

Liak kebaosang tuah Lina Aksara (Aksara Mati); Laya Aksara (Papitehan Aksara); Linging Aksara (Kecap Aksara/Munyin Aksara); suksemannyane pateh sakadi tiuk, yan tiuke ada ring tangan ibu-ibu sane majejahitan pastika lakar ngawetuang canang anggen ngrastitiang jagat. Kewala yaning tiuke ento wenten ring tangan para garong/penjahat pacang dados penyabut nyawa, sane puniki  kabaosang liak matah. Nah ada nak wikan maosang yen suba bisa ngidupang saananing aksarane ane mati ento, kone anake suba madan bisa ngeliak. 

indik liak/leak, desti, teluh naranjana, aji wugig, pelet maka miwah sane lian-lianan kawiaktiannyane pateh sakadi kabaos ring ajeng inucap, sakemawon indik tatuek maka miwah pangaptiannyane matiyosan. Indike punika meweh kabuktyang kawentenannyane. Yening pacang uning indike punika mangdane mlajahin sastra maka miwah ngelarang tapa brata yoga samadhi sane pingit turmaning mauttama. mawinan sampunang pisan nyugjagang indike punika duaning nenten pacang mikolihang dharma pamutus, samaliha wenten kode etiknyane, kocap.

Aji pangiwa matiyosan ring sane kabawos leak. aji pangiwa punika identik ring sane mapakardi nenten rahayu utawi jadig, satata nyakitin, ngawe grubug. Sakemawon yening leak, ipun identik ring sane kabawos nyuti rupa. wenten sane iseng, wenten sane hobby. Kawiaktiannyane leak punika wenten kakalih. Wenten sane ngardi rahayu taler wenten sane ngardi kawon. Sane patut ajerihin boya ja rikalaning ipun ngalengse sakemawon rikalaning ipun kantun marupa manusa dahat nyakitin, ipun pacang ngamargiang aji wugig. Mawinan patut yatna utawi plapanin ngambel urip iraga. Rikalaning ipun marupa leak nyuti rupa, sadurungnyane ipun masang pangeres utawi pagaan utawi panangkeb, pelindung radius sekian meter. Mangdane anake sane nyingak pacang makesyab utawi takut. Sakemawon ipun nenten nyakitin. Sakemawon, sameton sami yening nyingak kadi sapunika mangdane nenten ngorta, nenten membuat berita indike sapunika duaning wenten kode etiknyane. sapasira sane dados leak mangdane dirahasiakan. duaning ratun sarwa leak wantah tunggil inggih punika tabih pakulun Ida Bhatari Uma (Ida Bhatari Durgha).

Kategesang malih, Pengiwa sampun janten pakaryan ala, Yening liak/leak nika kantun medaging rwa bineda (kaon kelawan becik), kari wenten kasinahane.

Ungkuran puniki kruna leak sampun sosod artos ipun. Liak mangkin, sekancan ne jele kabaos liak. Liak ilang sandal kaine; Liak iba, batis akene jekjeka; Leak apa, liwat socane. Miwah liak2 sane tiosan. Kasujatiane liak nak becik maosang sastra.

Negesang Artos

sameton Sutha Abimanyu sane wangiang titiang rikalang ngartos, yaning wantah dados titiang mapinunas mangdane icalang kruna : 

1. frase 'jagi pacang', ngiring gentosin antuk 'jagi' utawi 'pacang', Sampunang rangkepa, mapan kalih krunane inucap madue artos sane pateh. 
2. kruna 'asapunika', ngiringgentosin antuk kruna 'sapunika'; sapunika taler
3. Kruna 'ainggih', gentosin atuk kruna "inggih", pangater a- punika biasane kanggen ring kruna wilangan sane artosne siki (satu) umpami : aijeng, akamar, abulih, abungkul, agembel, msl.

Mangdane nenten rancu kosa kata basa Bali druwene. Ampura riin, ngiring ngajegang Bali.

Minab wenten kruna sane rancu tiosan? ngiring bligbagang malih...!

Nulis Surat Mabasa Bali

Surat Mabasa Bali?

olih : 

Dr. I Nyoman Suwija, M.Hum.

NGAWIT masekolah ring Kelas III SD duké riin titiang sampun ajahina nulis surat antuk ibu miwah bapak guru. Sané kaajahin kapertama wantah nulis surat izin nénten masuk (masekolah). Majanten surat punika marupa surat pribadi sané jagi katur ring ibu miwah bapak guru sané kapatut ngajahin ring kelasé punika. Ngawit punika titiang sampun uning ring ringkesan kruna pasinggihan (penghormatan), inggih punika Yth. (yang terhormat). Jangkepnyané Kepada Yth. (Kepada yang terhormat). Punika sampun ketah (baku) pisan manggén ri kala nulis surat mabasa Indonesia. Menawita ida-dané, taler titiang nénten naenan uning ring sapasira sané ngarang ringkesan Yth. punika? Sapasira minab sané kapertama nyobyahang reringkesan punika? Majanten méweh antuk ngwikanin.

Ri kala titiang kapertama icéna tugas antuk ibu guru sadaweg ring SPG TP 45 duk warsa 1980, nerjemahang surat mabasa Indonesia ka basa Bali, irika titiang ngrasayang méweh nulis surat mabasa Bali. Gurun titiangé duk punika taler nénten uning, napi anggén ngentosin Yth. punika ring basa Bali? Mangkin sasampun titiang mayusa 50 (séket) warsa lintang, wawu murunang déwék ngrincikarang ringkesan sané masaih, gumanti wénten anggén ri kala nulis surat mabasa Bali.

VIRTUAL MANTRAM HINDU LAN KAMUS BALI ONLINE

Sameton Sutha Abimanyu sane banget sutresnain titiang, sapunapi gatrane rahinane mangkin? dumogi setata ngamangguhang kerahayuan lan karahajengan tatkala ngamargiang sakancan pakaryan druene. Rasa angayu bagia pisan titiang tepengan mangkin, santukan ulian iseng-iseng titiang utak-atik pekak Google ngarereh gatra (informasi) indik aplikasi mantram Hindu ring hape android sane kaicen antuk sawitran titiange bli Radheyasuta dawege inuni sanja (Saniscara, 20/10/2012). Aplikasi puniki tan ja tios wantah Virtual Mantram Hindu V1.0 (android froyo 2.2 lan gingerbread 2.3). Ri tatkala titiang searching ring pekak Google, jeg malih titiang nyingakin aplikasi sane sejenis (mirip) inggih punika Java Virtual Mantra dan Tasbih Hindu. Tios ring punika, maweweh titiang polih informasi indik kamus basa Bali online malih, tan ja tios wantah sawitran titiange BliyanBelog sane mosting tulisane punika ring blognyane, sada tigang postingan akehne. Punika mawinan titiang makita makarya gegoresan akidik ring genahe puniki mangda wenten taler tetimbangan (referensi) ring sameton Sutha Abimanyu ngarereh gatra indike kadi inucap, mapan katah sameton sane nakenang saparindike puniki. Ngiring mangkin tatasang siki-siki.

Contoh Soal Ulangan Bahasa Bali Kelas 1 Semester I

Sane dumun Sutha Abimanyu naenin nyurat conto soal ulangan basa Bali kelas 1 semester II. Nah ring galah sane becik puniki pacang lanturang titiang antuk Conto Soal Ulangan Bahasa Bali Kelas 1 Semester I. Dumogi conto soale puniki prasida kanggen conto rikala ngaryanin soal ring maraga guru pangajian lan pinaka soal latihan ring angganing sisya. 

Ngiring tatasang, dumogi sida maguna.

Soal Ulangan Bahasa Bali Kelas 1 Semester I SD

CONTOH SOAL ULANGAN UMUM BAHASA BALI SD KELAS 1 SEMESTER II

Om Swastyastu ida dane para pamilet sareng sami. Rasa angayu bagia pisan sida malih kacunduk galahe mangkin sareng titiang i riki. Dumogi ja ida dane nenten wenten manah wadih jagi simpang mariki. Driki wantah genah titiang ngedum bagia, malila-cita ring jagat maya sareng ida dane para pamilet sinamian.

Ainggih, galahe mangkin titiang jagi ngalimbakang indik "Contoh Soal Ulangan Umum Bahasa Bali SD kelas 1 (satu) Semester II (dua)". Utamane ring sang maraga Guru Pangajian sane ngamong Mata Pelajaran Basa Bali, dumogi conto soal puniki prasida kanggen sasuluh lan tetimbang rikala ngaryanin soal ulangan umum sane katiba ring para sisyannyane ring sekolah. Punika taler ring para Guru Rupaka, sane meled ngarerehang conto soal, mangda wenten anggena malajah sareng alit-alit druene, rarisang macecingak i riki. 

Soal Ulangan Bahasa Bali Kls 1, Semester II

Adan Panak Buron lan Ene madan??

Panak cicing madan kuluk/konyong

Adan Panak Beburon :

1. Panak siap madan pitik.
2. Panak bébék madan memeri / meri.
3. Panak sampi madan godél.
4. Panak cicing madan konyong / kuluk.
5. Panak bangkung madan kucit.
6. Panak jaran madan bebedag.
7. Panak penyu madan tukik.
8. Panak kekua madan boko.
9. Panak udang madan kretes/testes.
10. Panak yuyu madan kreket.
11. Panak Kambing madan wiwi.
12. Panak bikul madan nyingnying.
13. Panak bojog madan apa.
14. Panak méong madan tai.
15. Panak katak madan becing-becing.
16. Panak kakul madan pici-pici.
17. Panak jelema madan raré.
18. Panak kebo madan bedigal.