Matutang Patut

Matutang Patut

Ane ken madan patut jro?
Ane ken madan iwang jro?

Sakit manah tiange ngrasayang jro,
Enek tangkahe kajengahin jro,
Napi malih sane nyengahin tiang wantah jro,
Kaselek dayan tiange tan paolah jro,
Antuk paibibukan manah lan karya jro,
Jro puniki sampun kasengguh jro gede jro,
Dong dadi ati ngalimped tiang ne wong cilik puniki jro,
Jrone ngemargiang swadarma jro,
Dados abdi masyarakat kabaosang niki jro,
Magajih saking peluh wong cilik kadi tiang jro,
Mangda jro sida ngawantu buka pangibuk titiange mangkin jro,
Diolas jro,
Tiang boya matutang iwang tiange jro,
Antuk pamatut jrone ring duur jungjung tiang jro,
nanging cingak niki jro,
Pianak tiang sungkan kaah-kaah ngalesu lopyo jro,
Tiang jagi ka rumah sakit nunas tamba jro,
Tiang nak lacur jro,
Kadirasa anggen jakan bin mani jro,
Kurenan tiange kantun ngunuh ring carik wong sugih jro,
Ring kantong tiange wenten jinah sabates pamelin ubad jro,
Sampunang ja mabeki jro,
Baang tiang galah nunas iwang apisan jro,
Sampunang tiang edengina makudang pamatut jro,
Pocol, tiang ten uning mamaca jro,
Wusan jro ngraosang iwang patut jro,
Wusan merberang pasal pamatute niki jro,
Tiang mula iwang jro,
Icen tiang galah nunas legan jro,
Matutang ne patut dados tan patutang jro,
Ngidih olas jro.

PKJ/Soma  Paing Ukir, 6/2/2017