Om Swastyastu sameton sami 🙏🏻 Rahajeng Semeng. Sareng sami jagi nglaksanayang brata Siwalatri niki? Ngiring pilih-pilah brata sane jagi kemargiang, Upawasa (sing ngajeng), Mono (sing ngomong), utawi Jagra (megadang)?
Pilah pilih.. Laksanayang sane prasida kemargiang manten. Sampunang maksaang raga. Ring musim pandemi Covid-19 puniki, nglaksanayang brata Siwalatri kanggeang #dakijakija #jumahngoyong
Kawitin Siwalatri duene ring jro soang-soang, muspa ngaturang pangubakti ring merajan/sanggah duene. Kalanturang antuk ngwacen buku-buku agama, itihasa, purana, satua-satua Bali, susastra Hindu duene. Utawi sane uning lan oneng nyurat, dados sambilang ngaryanin sesuratan. Sane seneng dharma gita, becik macekeran akidik.
Ajak kulawarga duene sami mangda sareng-sareng muspa ring mrajan, sampunang jeg newek-newek, 👍🏻😊 lan wusan muspa, ajak sareng madharmatula matimbang wirasa, sambil nglaksanayang jagra. Alit-alit duene setop dumun icena gruang-grueng ring margi. Kangeang sampunang dumun nglaksanayang Siwalatri antuk muspa keliling di Pura-Pura. Ngelidin rame dumun jro. 🙏🏻 suksma. (Pkj)
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.