Ada katuturan I Lutung. Suba lantas keto, I Lutung majalan keliling ngae keamanan jagat, ngetis lantas di beten punyan kayune.
“Bah kebus! Jeg aman gumine. Kene tugas ngae keamanan!”
Cara jani dadi pecalang yen cara pidan panginte. Ba lantas keto, jeg teka I Kedis Blatuk ngulkul bulus. Pah dengang kipekane I Lutung.
“Ah ne badan keamanan sing nawang bebedag. Krana cang ngulkul bulus nawang cai, to I Kunang-kunang ngaba api. Yen sing cang ngulkul bulus telah umah anak puun”.
“Ngudiang I Kunang-kunang ngaba api? Adah paling I Kunang-kunang”. Kene I Lutung.
“Ih cai cai Kunang-kunang nak ngudiang cai ngaba api?”
“Krana cang ngaba api, ideh-ideh cang ngaba api karuan I Baduda ileh ileh ngae bambang di jalan. Pelih ban cang mentas sing lung batis cange!”Aliha I Baduda.
“Nak ngenken cai ngawag-ngawag ngae bambang di jalan? Cai ngae bambang di jalan?”
“Buin matakon. Yen cang ngae bambang di jalan ulian I Sampi. Sampi ngawag meju, tidak mengenal kebersihan lingkungan ia. Ngleklek di jalan jalane meju. Cang nak maan tugas kebersihan, yen sing tanem cang tain I Sampi amat jelekne ngenah!” Aih, aliha I Sampi!
“Sampi kenken cai ngawag-ngawag cai meju adi?”
“Sangkal cang ngawag meju, to teka I Capung. Not ci I Capung ngawag ia ileh-ileh ngaba tumbak poleng!”
“Ngudiang I Capung to?”
“Pedih basang cang, meju cang. Gumi aman ngaba tumbak poleng!” Keto I Sampi.
“Kenken cai? Alih ia I Capung!”
“Kenken cai ideh-ideh ngaba tumbak poleng?”
“Yih, sangkal cang ngaba tumbak poleng, cang ngae keamanan gumi. To ia I Kakul, umahne plaibanga, ajak I Kakua ajak I Penyu”.
“To ngudiang ngaba umah malaib? Keto, ia bin lantas mabalik.
“Adi ci ngaba umah cai ideh-ideh?”
“Nak I Kunang-kunang ngaba api? Yen sing aba, umah cang si puun ia!”
Bah ne bingung ia I Pacalang. Bingung pacalange ngurusang. Teka I Kunang-kunang ngaba api. I Capung ngaba tumbak poleng. Capung Engkuk ngaba tumbak poleng. Lantas keto I Sampi meju ngawag di jalane. I Baduda ngae bangbang. Ba lantas keto, ketemu lantas teken I Macan.
“Nak kenken cai nenenan, adi jeg paling kene dadi cai?” Matur lantas ken I Gusti Patih.
“Gusti, gusti patih!” Macane dadi gusti patih.
“Kene dadi jeg sing ngerti jagate, jeg ada ne mlaibang umah, ada ngaba tumbak poleng, ada ngaba api, kenken je unduke ene?”
“Pah kene kene! Yan suba kakene, lan matur ken Ida Hyang Bagawan, Ida Sang Bagawanta jani dini di tengah alase nangun yasa nangun kerti. Ida tunasin jalan jani. Ida tunasin pangepas.”Pah matur kema ajak onyangan”.
“Nawegang titiang ratu, ratu peranda, Hyang Bagawan. Dados kene pakibeh jagate? Adi makejang dadi, teka I Capung ngaba tumbak poleng, teka I Kunang-kunang ngaba api, I Blatuk ngulkul bulus?”
“Bah bah kene san ban nah, bapa sing ngidang nepasin ngae ne madan beneh kalawan pelih. Keto lantas, jani yen nyak dadi beneh pajalane, jani jalanin iban cai soang-soang. Sawireh I Kunang-kunang apine mula di jit, yen sing ia ngaba api, sing ia madan I Kunang-kunang. Keto masi ia I Capung Engkuk, yen sing ia ngaba tumbak poleng sing adan ia I Capung Engkuk!”
“Men jani lantas kulkul bulus, Blatuk kenken?”
“Nak jani ia I Kedis Blatuk sawireh mula nas ajak bungut ia kereng, mawit jani ia adanin ia Kedis Blatuk. Jani I Baduda baang ia jani mongpong utawi nanem-nanem kotoran-kotoran. Dija ja ada kotoran, pang pongponga ken Babuda. Keto beneh kalawan pelih. Konyangan jani ajak majalan sesuai ajak karakter masing2, to bahasa kerene to. Jani bapa mapiteges jani ajak cai, da pesan ngaduk jalan nak len. Yen suba lakar ngae mabesikan, ngae ane madan mufakat musyawarah, yen ngelah ide soang-soang, jalan jani sing dadi saling tuding, sing dadi saling tuduh, nah keto masi kin cerik-cerik ajak makejang, da pesan nyen ngae pisuna”. (jul)
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.