Cecangkriman inggih punika silih sinunggil paribasa Bali. Munggah ring pahan Paribasa Cecimpedan (teka-teki), yaning ring Cecimpedan kadasarin antuk kruna pangawit "Apake..?", nanging ring Cecangkriman (syair teka-teki) nganggen pupuh tur katembangang. Pupuh sane lumrah kanggen inggih punika Pupuh Pucung.
- Bapa Pucung, umah bapa di alas agung, bengkuk pengadege, awake mabulu pipis, pawah cakluk, layahe selep-selepang. pasautnyane: klesih (trenggiliing)
- Dratdat-drutdut, bingah-binguh liwat inguh, nyumbil sisin pagehan, padidi sing dadi ngranjing, nene catur, nyamane suba di tengah. pasautnyane: anak nginang (orang makan sirih)
- Jalan buntu, tan masepak nolor terus, nyen makeneh mentas, apang elahan agigis, musti blenggu, majalan ditu magaang. pasautnyane: anak menek punyan nyuh (orang memanjat kelapa)
- Berag landung, ngelah panak cenik liu, memene slelegang, panakne jekjek enjekin, menek tuun, mememne gelut gisiang. pasautnyane: anak menek jan (orang naik tangga)
- Kaki Pucung, awak bunter maretungtung, basange anginan, asing paek ye ninjakin, uber kepung, I Kaki incang-incangan. Pasautnyane: anak maen sepak bola (socer)
- Nyerukukut, majempong ya biana senggu, masiksik dong naga, matapuk ya boya manggis, tur macunguh, nanging tusing bisa ngungas. pasautnyane: buah manas (buah nanas)
- Baong pucung, ejit tengging purus tirus, capile maogarang, asing nyekuk kajengitin, cening bagus, banggi makucar-kaciran. Pasautnyane: anak nginem yeh nganggen caratan (minum air dengan caratan)
- Dini ditu, bikase sai katepuk, manyama ya patpat, dikalane ingkup nunggil, dadi pesu, gunannyane ngawe ilang. Pasautnyane: anak nginang (orang makan sirih)
- Jumu bungut, duur bungut gidat jantuk, ejit lan baonge, malih bibih muah ejit, lambe narung, silit maka dados puncak. pasautnyane: anak nyalukin barong landung
- Bapa pucung, indeng-indeng di alas agung, panake koryak-koryak, di kayune ye padingkrik, basang pelung, tendase majejambulan. Pasaut: ......................
- Meme ayu, makamen sitsit a kencrung, ada manyeropen, ada ngemang nyilih, jani payu, mangigel ejitne ngenah. Pasautne: ............... (alat yang dipakai melilit benang saat menenun)
- Ia majujuk, katumbak enu majujuk, ane numbak ebah, laut ngandang ngulintik, bes kadurus, pangencele mametelang. Pasaut: banggul
- Bintang along, kapaid lalipi laut, katututin pandan, enyen taen manepukin, buka bau, ceningke ajak makejang. Pasautnyane: ......................
- Bapa Ketut, matapa di kayu lusuh, wilis parupana, uling cerik kayang mangkin, tekek ngelut tera keles-keles magisiang. Suba puput, matapa di taro lusuh, masalin sapisan, tundun barak basang putih, tan paulu, ikud jamprah lagut samah. Pasaut: buah biu (pisang)
Sane durung kasaurin, ledangang pisan pending dumun.....(??????????.....?????? "berpikir ceritane ngebit2ang kamus...)
n.b: Tulisan puniki, salin titiang saking document titiang ring group Wija Kasaur ring FB
Thxxx
ReplyDeleteYen masepak molor terus, Yen mekeneh mentas, musti blenggu,mejalan ditu magaang
ReplyDeleteMenek jan ��
ReplyDeleteBuatin tentang pendidikan dong
ReplyDeleteApe keawaknebunter?
ReplyDeleteTahnks
ReplyDeleteItu yang nomer 10 kok gak ada jawaban nya???
ReplyDeletesuksma, dumogi ngancan nincap kaweruhannyane
ReplyDeleteKerenn beli 👍👍
ReplyDeleteSuksma nyoman
DeleteSuksma
ReplyDeleteNo 11 apa ya jawabannya
ReplyDelete