WIT KOKOKAN RING PETULU

LEGENDA:

Manut Pak Wayan beneh ring Petulu, dumun kahanan ring Petulu matiosan pisan tekéning mangkin. Kahanan kramané kaon, nénten wénten ané sugih. Samian nyagerang maburuh ngalap kopi rauh ka Buléléng. Punika mawinan para panglingsir-panglisiré ngamanahin indik punika lan medal kaputusan pacang ngwéntenang karya Ngusabha Désa lan Ngusabha Nini ring Pura Désa lan Puseh Petulu warsa 1965 (siu sangangatus nem dasa lima).

Gelisin satua énggal solas lemeng saking karyané punika, raris wénten rauh kedis putih sané masebun ring pamesuan-pamesuan umah kramané. Ngancan makéh kawéntenan kedisé punika nyabran rahina lan ngawinang para panglisiré nunasang ring nak sané wikan. Kocap kedisé punika wantah paican Ida Betarané. Krama ring Petulu kaicénin pokok mangda prasida ngamecikang idupnyané. Saking warsané punika, krama ring Petulu makinkin malajah ngukir, ngambar, sangkaning makéh toris sané seneng malancaran ka Petulu, pastika torisé punika pacang numbas cenderamata.

            Kedis kokokan punika madué genah ring manah masyarakat Petulu, nénten wénten sané purun ngamatiang. Kokokan puniki madué unsur magis, punika awinan kokokanné tetep kalestariang ring Petulu. (Hasil Nyastra Sasda'06, suksema aturang titiang ring anak2 sasda Unud 2006)