DAGANG CANANG
N : Ning, barengin i mémé nyait muh..! Pedalem pedidina kéto uling tuni ungkat-angkit majaitan!
M : Aruhh.. nanang éngkén né?! Icang nak muani masak bareng majaitan? Cara nak lua gén..! Auk ahh...! Nyanan oranga béncong nyan jak timpalé!
N : Bahh.. raré pengeng né..! Sing ja mara majaitan nto geginan nak luh! Sing ja nak muani mara majaitan madan béncong! Iraga muani nak tetep masih pang bisa, pang ada nulungin nuju i mémé kwalahan pedidina buka jani ené! Bantes nyait-nyait dogén apa kéwehné? To i mémé suba nuésang!
(Nang Tegteg gila basangné ningeh pasatné I Méngong, sambilanga iteh ningeh radio sawiré ada tembang girang, gegitané alus nyunyur manis nembangang pupuh sinom)
M : Ahh.. mula gegaén luh to nang! Yén nak muani to gegaéné mébat nuju rainan, ngaé penjor, masang pedapa! To gén ba liu gaéné.. kondén buin yen ad kaklécan di banjar. Patut tedunin, duang saet telung saet.. nak ngibur nuju rainan. Yén i mémé kenyel nyait jeg meli canang! Adi kéweh... ba ada ne praktis cara jani..!
N : Adahh.. kéné suba pelih papineh raréné jani, sorohan maboya. Orahin né luung soroh matungkas. Yén makejang cara cai truna Baliné ngelah papineh, jegjeg suba tuah ngandelang luh-luh dogén né kar majaitan. Ae yén makejang nyak luhné malajah majaitan lan matanding! Sing lantas nyak mlajah, patuh cara cai pepinehé, jeg meli! Nyén kar terus belinin?! Tombahang nak jawa muslim lantas ngadepin iraga canang! Adahhh.... dong suba nak lén lantas nglestariang budaya agaman iragané?! Ngalih bati jalan mula...! (˘_˘)ck! (˘_˘)ck! (˘_˘)ck!
M : Ahhh.. ada nak selam madagang canang nang? Adi timbén icang ningeh..! Kadén ye sing dadi nyemak gegamelan agama lén kin gelah yené? Musik koné adané menurut ye!
N : Awag cai ngeplakang bungut Ngong! Musik.. musik..! Musik apa? Pop bali?!
M : Ohh.. apa adané to..?
N : Musrik..! To asané né bneh! Cara né dingeh-dingeh nanang! Nah.. pang tawang cai jani, anak ngancan liu jani dagang-dagang canange boya ja nak Bali magama Hindu! Liu suba nak Selam bareng madagang canang, mapan tepukina iraga Bali bilang wai mayadnya nganggon canang, lan ngancan liu jelema Bali sing bisa ngae canang! To anggona lahan bisnis jak ye. Sing ja misi mengkeb-engkeban cara pidané. Jani ba bani ye makrudung madagang canang! Nu masih ada nak Bali né melinin..!!
M : Mihhh...? Kanti kéto nang?
N : Ae, ngancan liu jelema Baliné jani otakné méngong cara cai! Kanti magama males-malesan lan maboya!
M : Ae nang o..? Kating reramon (busung, selépan) iraga nak jawa nak sulawesi ngadepin. To koné kat banggang! Busung ibus totonan.
N: Nahh.. suba ja keresep cening jani. Men jani cai ngerti ngudyang nanang ngorahin cai mlajah nyait?
M : Ngerti, ngerti cang nang! Ba ngerti cang jani. Pang bisa cang dadi pedagang canang kan??
N : (•̃┌┐•̃'l) hªhhhh?!?
(Nang Tegteg lan Mén Méngong kitak-kituk ningeh pasaut pianakné)
Om Swastyastu bli... jeg luung sajan niki satuane... sederhana tp ngenen! mula liu jani kasus dagang canang muslim di Bali.. tusing ja iraga melihang ane medagang, ane sebetang kan krama Hindune jeg lambat jengahne... jeg meli masih ditu.. padahal kan sing karuan suci pegaene... liunang ngae tulisan cara kene bli.. pang nyansan jengah krama Hindune,,, masak ngelestariang tetamian leluhur dogen tusing bisa...
ReplyDeleteoya ane terakhir lucuu i mengong,,, ngae ane mace berpikir patuh cara nanang n memene i mengong >> "Hadeeehhhh" wkwkwkwkkw T.O.P
Ngihh suksma Dek, sampun simpang,
DeletePuniki sampun kawentenan jadma Baline mangkin, jengah ipune kuang. Dumogi akeh nake nyak mamaca....!
Wuih Blognya becik pisan, tiyang dot ngelah blog sekadi blognya Suta Abimayu, medaging hiburan gending gending Bali nonstop lagi... wuih melah pisan... orahin dong tiyang caranya ngae blog...
ReplyDeleteSuksma Kadek Mardiana sampun sida simpang mariki... Kanggeang tiang nak belog nu malajah ngblog pang ten belog...! Niki blog kantun sederhana..! Tiang malajah saking mbah google masih niki.. hehehe..
Delete