Tiang tusing ja nyem...
Mara sesai kenyem-kenyem..
Nak ulian kenehé bagia angen..
Nepukin makejang girang demen..
Pakedék pakenyung ngaliangin..
Pada-pada saling kenyemin...
Uli semengan..
Mara bangun suba demen..
Nyingakin sang surya makenying..
Buka nyapatin semu manying..
Duh, bangun cening jegeg bagus..
Dabdabang dinané mu cening manjus..
Tiang makenyem elek..
Nyingakin sang suya nyledetin nesek..
Cingak i rerama suba gebras..
Buka nombang titiang ngelingus..
I Mémé makenyem nyaledét..
Nundén tiang pang sing dadi anak lélét..
Sing ada ne nguél..
Napi malih ngamélmél..
Makejang makenyem manis..
Ngawé kenehé tis..
Ulian kenyem gumi tentrem..
Lan makejang jani makenyem..
Mara sesai kenyem-kenyem..
Nak ulian kenehé bagia angen..
Nepukin makejang girang demen..
Pakedék pakenyung ngaliangin..
Pada-pada saling kenyemin...
Uli semengan..
Mara bangun suba demen..
Nyingakin sang surya makenying..
Buka nyapatin semu manying..
Duh, bangun cening jegeg bagus..
Dabdabang dinané mu cening manjus..
Tiang makenyem elek..
Nyingakin sang suya nyledetin nesek..
Cingak i rerama suba gebras..
Buka nombang titiang ngelingus..
I Mémé makenyem nyaledét..
Nundén tiang pang sing dadi anak lélét..
Sing ada ne nguél..
Napi malih ngamélmél..
Makejang makenyem manis..
Ngawé kenehé tis..
Ulian kenyem gumi tentrem..
Lan makejang jani makenyem..
(28/11/12-PandeJuliana)
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.