Hidup cara janine patut iraga bisa milah-milah tutur ane teked di kupinge. Sing beneh kupinge cara kloset, apa macelep jeg tampi tan pasaringan. Patut makejang saringin raos ane ke tampi, pang da kanti salah penampen, dadi biuta nguugang iraga di pakraman. Yen suba kanti uug, nyen ane rugi? tuah ja iraga rugi!
Lantangang utawi dawanang basange yening ningeh raos ne soleh-soleh. Hati-hati pesan nyen, mapan jaman kali cara janine liu jelema matingkah sangut. Dueg ngajum kwala nusuk uling duri. Di aep ngaku matimpal, nanging di duri ngomongang ne sing beneh. Da bes percaya ngajak nak ne mara kenal, plajain malu solah timpale pang tawang bikasne engken! Pang da kanti kacangkit baan sangut2 milenium!
Yen tatasin uling raos, mih jelema model sangut milenium kene nak cara bunglon. Ija jang nak nyak nyatu, ane nyatu tuah ja tuturne gen, papinehne dong suba pasti macarang. Jelema kene biasane ada tetujone yen bergaul utawi nulungin anak, pamerih ia matindakan. Sing tulus buka keplakan bibihne.
To ba mawinan, jaman jani iraga wajib ngelah papineh lantang. Bertindak kenehang efek ke depane, kar kenken panadiane? Da iraga mikir bawak ngenehang efek ane ajanian. Mengalah untuk menang, nah to prinsip ne luung cara jani terapang. Tegarang ja..! ^^
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.