Nuju Pemilu 2014

"Yan, ija ci Yan? Adi suung jumah cine ne?," Made Jujur Pang Mujur nelpon Wayan Sigug Begug ane sai demen gradag-grudug, lakar ajakina luas ka alun-alun semengane ento. 

"Woiss, alo De..! Cang ba dini ne! Mara bli Soplog ngandeng icang, keto cai antos-antosang icang sing nengok2 toh...!! Med cang ngantosang, nen lewat konfoine nyen..!"

"Beh, cai ngamalunin icang sagetan! Men suba rame ditu? Suba maan baju? Nasi kotak? Amplop engken? Icang sing latan nyen ked dtu? Sing maan apa tes ked dtu!"

"Tenang De! Baju ajak nasi suba wakilang cang nyemakang! Ked dini cai tinggal nyaluk maju tur makan! Sambilang mabalih dangdutan, ada penyanyi goyang itik dini..! Enggal ci mai, rame sajan dini..! Binjahan gen ngedumang amplop ne..!"

"Oke...!!! Antosang cang ditu Yan..! Ked di alun-alun nyan buin telfon cang cai..."

Made Jujur Pang Mujur laut enggal nyatater motor tur tancap gas..! Sirahne sing mahelm, tuah maseet slayer pelung magambar bintang. Neret nyujuh alun-alun tongos kampanye perdana partai politik di pemilu 2014 ene! 

Made Jujur Pang Mujur ajak I Wayan Sigug Begug suba uli makelo pesan ngantos-ngantosang moment ane buka kene. Tanggal 16 Maret 2014, galah kampanye perdana partai politik ene, tuang pinaka panyumu I Made teken I Wayan ngejang centong, arit, tur tambahne, ganti profesi dadi simpatisan partai2 politik nuju kampanye. Gae aluh pis caluh, keto idepne ia makadua. 

Caritayang suba makelo I Wayan Sigug Begug ngantosang I Made di bucun lapangane. Nasi kotakne kanti rebut semut nyodog sing ada ngajeng. Bebalihan di panggung kampanye masih nagen suud, orasi caleg akranjang ngombar janji ne pepesan sing mabukti, suba masih konyangan tampil. Konden masih I Made Jujur Pang Mujur teka. Saget magejeran hp di kantongne I Wayan.

"Alo De, ija ci ne? Mklo ja nengok! Cang di bucu Delod Dangin ne! Batan punyan buluane! Enggal mai!"

"Antos Yan, jani cang kemu!," saut I Made. 

"Aruhhh Yann..! Jelek nasib cange majalan mai nok!"

"Nak engken ci ne De? Seming leteg keto jenenge? Mai madaar malu! Pang wareg basange, sep ajaka ngorta tes!," laut negak I Made sampingne Wayan Sigug sambil nyenak nasi kotake. 

"Satonden cai madaar, minum malu pang seger! Neh Non-Min! Air mineral beroksigen, asli uli sumber air pegunungan di Bangli, Desa Tamanbali! Jeg pasti nyes asane..!"

"Behh... ngiklan nyamane ne..! Hahaha... Nah, suksma De, cai mula pengertian dadi timpal," laut madaar ajaka dua ditu dibucun lapangane.

"Ahh, basang wareg, kolongan tis ulian minum Non-Min, hemm.. jani mara luung ngorta De...!" 

"Ae ci, tis sajan kolongane.. len rasan yehe ne Yan.. mantap!!"

"Behh.. bareng ci ngiklan...! Nang masatua malu jani!"

"Tuni icang dugas kar majalan mai, lewat dipempatan delod banjar to Yan, jeg tepukin icang ba ada baliho caleg diaep Pura Pusehe, wah ne jelema masang baliho sing nawang tongos sakral! Gedeg basang cange, embus cang balihone to, laut eret cang di jalan. Borbor cang dipengkolane! Ada nak nepukin, yeh ternyata I Duleg masang, to nyama Bali ne pindah agama paid bangkung to apa! Marebat cang ditu, laut ye ngelengos ngoraang kar ngelaporang icang! Cang sing peduli, ye pelih sing bisa ngejang baliho! 

"Behhh.... men ba keto De?" 

"Lanjut cang majalan, ehh.. di delod alun-alune mara icang setop polisi! Tilanga icang gara2 sing mahelm nok..! Ba oraang icang nak kampanye, jeg sing pandang bulu polisine to nok! Tilanga cang, kaludan ajak damai ing nyak, payu cang ajaka ke polsek maan briping ditu! Lagute ketemu icang ajak I Duleg di polsek, ia nglaporang icang ternyata! Buin cang miyegan ajak IDuleg di polsek! Kanti polisine melasang! Damaianga icang ajak ia mapan pada2 pelih setelah cang menjekaskan masalah icang morbor baliho caleg to! Kwala jelekne tetep cang arus ngadil bin minggu nyemak stnk motore nok!"

"Hahaha... aduhh, De...De...! Nu gen ci sing nawang aturan kampanye jak aturan lalu lintas ne! Apin iraga ngalih gae dikene-kenene, tetep aturane harus tawang! Merusak baliho partai lain to suba termasuk pelanggaran pemilu, ngejang baliho depan tempat suci/ibadah masih tidak etis, keliru to! Nah masalah ci matilang to, nak beneh masih! Cai suba melanggar ketertiban lalu lintas! Dalam aturan kampanye pun diwajibkan bagi peserta kampanye yang berkonvoi dengan sepeda motor wajib berhelm! Aturan larangan ngajak anak cenik ke tongos kampanye atau mengikutkan sertakan anak2 ikut kampanye masih pelih! Keto De... bek buin aturane, tujuane apang iraga nyidang berdemokrasi yang santun. Keto...".

"Hehe.... ae Yan, mara cang ngeh..! Ehh... to ba suud acarane di panggung, ba magrunyungan nake nyemak amplop Yan, mai kemu lan, nen sing maan duman iraga!"

"Nah, ne politik uang masih sebenarne dilarang de.. ! Kwala, iraga perlu pis ne.. kudyang men, masih nyen gen pilih tetep amontoan..!! Jeg jemak gen ja pisne... hehe..."

"Ahh, sing dadi munafik... mai jemak gen pisne! Masakah pilihan kayang pemilu ne, ya iraga pedidi ne nawang! Hehe..!"

"Yang penting da kanti GOLPUT!!!"

(By : PKJ)