Panglimbak aab jagate kadi mangkin sing sajan iraga nyidang nambakin. Arus globalisasi, makejang patut bisa mabasa asing (inggris, jepang, korea, china, itali, msl.), patut masih bisa mengoprasikan komputer lan piranti elektronik lianan, patut bisa nganggon smartphone, miwah ane lianan. Makejang tatujone tuah apang iraga bisa nuutin jaman, turmaning nenten kaucap katinggalan jaman.
Men napi pengaruhne ring basa Bali? Nenten ja tios wantah arus jaman globalisasi pacang nyosodang budaya lokal ring genah soang-soang. Kadi iraga ring Bali, nyansan kirang para janane mareraosan nganggen basa Bali ring desa muah kota. Akehan para janane saking alit sampun kaurukang mabasa Indonesia lan mabasa Inggris. Buin pidan apang tusing ketinggalan panake malajah di sekolah, kenten pamineh para janane.
Kadi puniki pamargine, akeh lantas wenten para akademisi miwah praktisi lan tokoh masyarakat ring Bali ngawentenang seminar, lokakarya, miwah pidabdab tiosan jagi kanggen genah ngalestariang basa Bali. Napi malih wenten bebaosan "Ajeg Bali", ngajegang basa Bali pinaka basa Ibu ring masyarakat suku Bali, akeh lantas sami ngalimbakang ring para jana Baline mangda tetep nganggen basa Bali pinaka basa mareraosan sareng kulawarga, utaminnyane para alit-alit, mangda nenten punah basa Balin duene.
Nenten ja ring dunia nyata kemanten pamargi palestarian basa Bali punika kalimbakang. Kadi mangkin, aab mainternetan, ring media sosial akeh group utawi akun-akun sane matetujon ngalestariang basa Bali, ring blogger, wordpress, facebook, twitter, path, instagram, whatsaap, BBM, msl. Tatujone wantah, ngalestariang lan ngalimbakang basa Bali ring media sosial mangda krama Baline ngancan waged mabasa Bali lan nenten kemad mareraosan ring sosial media nganggen basa Bali.
Ngawit panyumu, akeh para janane semangat nyarengin group2 ring sosmed inucap. Nacihna krama Baline tan kayun basa Baline pacang kamusiumang. Sakemaon, sue kasuen ring dija kaden kabar para pelestari Basa Baline puniki, napike mengkeb napike sampun wadih ngaraina mapiteked ngalimbakang lan ngalestariang basa Bali, nanging para jana Baline ngancan campah, lan ngancan maboya. Tan masih tiang purun mastiyang! Punapiang masih nenten maboya? Sang sane ngaraos ajeg Bali ajeg Bali masih tan seneng mabasa Bali, ring jerone soang2 mabasa Indonesia. Punapiang tan campah?
Yen kadi asapunika kawentenane, wantah ja ngajegang basa Bali tuah ring raos kemanten. Nenten wenten bukti nyata lan kekonsistenannyane. Ajeg Bali, ngajegang basa Baline tuah raos lan parilaksana kadi "Kenyang Panyuh". Panyumune kenceng, ngancan makelo ngancan makeledan. Yen sampun asapunika, pet prade basa Baline punah, nyen kar pelihang?! Iraga nak Bali ne pelih, ulian iraga sing rungu ken basa daerah padidi.
Ngenenin indike punika, mawanti2 malih titiang ring para krama Baline, mangda tetep ngalestariang basa Bali pinaka basa ibu, basa sane kanggen mabebaosan sareng kulawarga lan sameton Bali, sampunang lek malajah yen ten bisa. Ala bisa karna biasa.
Sane dot pacang ngalimbakang basa lan sastra Bali genah mapaurukan ring sosmed, ring Facebook, ngiring gabung ring group "Wija Kasaur" lan sampunang lali taler simpang ring blog "Sutha Abimanyu" - www.julianatamanbali.blogspot.com
(PKJ)
Men napi pengaruhne ring basa Bali? Nenten ja tios wantah arus jaman globalisasi pacang nyosodang budaya lokal ring genah soang-soang. Kadi iraga ring Bali, nyansan kirang para janane mareraosan nganggen basa Bali ring desa muah kota. Akehan para janane saking alit sampun kaurukang mabasa Indonesia lan mabasa Inggris. Buin pidan apang tusing ketinggalan panake malajah di sekolah, kenten pamineh para janane.
Kadi puniki pamargine, akeh lantas wenten para akademisi miwah praktisi lan tokoh masyarakat ring Bali ngawentenang seminar, lokakarya, miwah pidabdab tiosan jagi kanggen genah ngalestariang basa Bali. Napi malih wenten bebaosan "Ajeg Bali", ngajegang basa Bali pinaka basa Ibu ring masyarakat suku Bali, akeh lantas sami ngalimbakang ring para jana Baline mangda tetep nganggen basa Bali pinaka basa mareraosan sareng kulawarga, utaminnyane para alit-alit, mangda nenten punah basa Balin duene.
Nenten ja ring dunia nyata kemanten pamargi palestarian basa Bali punika kalimbakang. Kadi mangkin, aab mainternetan, ring media sosial akeh group utawi akun-akun sane matetujon ngalestariang basa Bali, ring blogger, wordpress, facebook, twitter, path, instagram, whatsaap, BBM, msl. Tatujone wantah, ngalestariang lan ngalimbakang basa Bali ring media sosial mangda krama Baline ngancan waged mabasa Bali lan nenten kemad mareraosan ring sosial media nganggen basa Bali.
Ngawit panyumu, akeh para janane semangat nyarengin group2 ring sosmed inucap. Nacihna krama Baline tan kayun basa Baline pacang kamusiumang. Sakemaon, sue kasuen ring dija kaden kabar para pelestari Basa Baline puniki, napike mengkeb napike sampun wadih ngaraina mapiteked ngalimbakang lan ngalestariang basa Bali, nanging para jana Baline ngancan campah, lan ngancan maboya. Tan masih tiang purun mastiyang! Punapiang masih nenten maboya? Sang sane ngaraos ajeg Bali ajeg Bali masih tan seneng mabasa Bali, ring jerone soang2 mabasa Indonesia. Punapiang tan campah?
Yen kadi asapunika kawentenane, wantah ja ngajegang basa Bali tuah ring raos kemanten. Nenten wenten bukti nyata lan kekonsistenannyane. Ajeg Bali, ngajegang basa Baline tuah raos lan parilaksana kadi "Kenyang Panyuh". Panyumune kenceng, ngancan makelo ngancan makeledan. Yen sampun asapunika, pet prade basa Baline punah, nyen kar pelihang?! Iraga nak Bali ne pelih, ulian iraga sing rungu ken basa daerah padidi.
Ngenenin indike punika, mawanti2 malih titiang ring para krama Baline, mangda tetep ngalestariang basa Bali pinaka basa ibu, basa sane kanggen mabebaosan sareng kulawarga lan sameton Bali, sampunang lek malajah yen ten bisa. Ala bisa karna biasa.
Sane dot pacang ngalimbakang basa lan sastra Bali genah mapaurukan ring sosmed, ring Facebook, ngiring gabung ring group "Wija Kasaur" lan sampunang lali taler simpang ring blog "Sutha Abimanyu" - www.julianatamanbali.blogspot.com
(PKJ)
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.