Tuah ada duang pilihan, putih apa poleng?! Liu brayane sakit keneh ulian ngenehang pilihan, ane cen pesaja tur kin ane cen tuah raos puyung. Makejang ngumbar janji, ada ne dueg mamunyi, ada ne dueg malaksana. Ada ngoraang pilih ne dueg ngomong, ada ne ngoraang pilih ne seken-seken megae. Ne putih gen pilih, ne poleng gen! Ne luung to luung... jeg setereesss.....!!
Ane putih apa saja seken putih? Apa tuah putih di sisi?
Ane poleng suba pasti polos, tuah mirib saja hidup ento poleng, ada putih, ada selem, ada beru..! Realistis ngenah ne poleng.
Kwala liu masih ne ngorang, ne putih mawibawa, ane poleng klemar-klemer. Kwala ento tuah di kulit, tuah tampilan di sisi, jejeron di tengahne tuara ja tawang engken sujatine.
Ne jani sekenang doen malu pikayune, pilah pang melah, pilih pang da pelih, limang tiban nasib Indonesiane ada di muncuk sepakune kayang 9 Juli ene. Ingetang nyoblos, eda pesan kanti golput!
Buka kartune, pilihin ne tengen, jalan nyujuh ne melah, da ngiwa nyen jero, makejang bakat sakitin nyen! Suba keto tebek baan sepaku, lipet, celepang ke kotak suara, laut encebang kacinge di tintane. Rahajeng mamilih ^^ (PKJ)
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.