Olih : Ni Made Sriartini
Mih dewa ratu,
Dedet benyah kerasa,
Rasa geng dosane tan sida kapetek malih,
Tan sida kapunahang antuk tangis.
Mih dewa ratu...,
Jakti buka magantung bok akatih,
Ngasih-asih ngidih pelih,
Mara ngrasayang perihne i meme,
Diapin salah stata sih.
Mihh dewa ratu..,
Sedih tiange akeh pelih ken meme,
Liang tiange mangkin dados meme,
Ring dedet dinane mangkin,
Sia, pitu, patbelas.
Mihh dewa ratu..
Listu ayu,
Embas kadi Sang Hyang Ratih,
Ampura meme,
Suksma meme,
Tiang mangkin dados meme..
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.