Adan Icangé I Méngong. Icang jani suba maumur dasa tiban. Icang nak lacur né. Sing nglah apa seh. Baan lacur icangé, masuk tuah kanti kelas 1 SD doén. Icang nak belog, kanguang san, mabasa alus sing bisa.
Sing masekolah. Tusing nyidang ngelanjutang koné nanang icangé. Kalingan cai nagih masuk, nto lakar amah ngewai tuara ada lud. Kéto abet nanang icaagé.
Yén keneh2ang, saja oo..! Kalingan masuk, ngamah doén kapah2. Awai bisa acepok ngamah nasi. Sisané kangoang séla bun, sela sawi, ento sop. Yang penting basang betek.
Semengan cara anak ané ngelahan misi sarapan celokotokané, icang kaling kar nagih sarapan, paling aget roroban orina mlokplok ajak imémé. Kéto i mémé bungutné nak dadi2 masih ngomong. Pelih abucu, saang angona ngebeg bungut icangé.
Inget2ang buin oo, dugas icangé masuk SD nto. Semengan masuk sing mabekel, tengainé layah basangé, ngelamit di kantiné, saru2ang meblanjo di ramé2né. Mulih uli masuk ngmaling sotong dajan sekolané, nak kar nyetang jumah sing ada nasi. Layah takutin basangé sing ngamah apa uli semengan. Nak biasa kéto, kadang imémé nyakan, kadang sing oo!
Ané sanget pedalem I nanang, dugas totonan mulih ling masuk séh. Dingeh suba i mémé ngeling ngiah ngiuh. Mirib baan layah basang i nanang, nto tpukin icang awakné imémé celék-celékina. Dakin iméméné kanguanga amaha kin inanang, ulian layah basangné. Suba kéto, paes imemé sedot2a uli bibihné, mirib bedik bakatanga ulian bes bedakné, buin nyonyon imémé bejek sedot2a. Kadéna nyak irib pesu yéh.
Pesu yéh matan icangé nepukin solah reramé jumah. Bisa ngapuan inanang kéto, bisa ngetelun. Anak jeg kapah2 mula tepuk inanang jumah ngamah. Pedalem. Anak ucukanga ba icang naar nasiné yén pradé imémé nyakan. Baan lacur icangé. :-(
KDI/PKJ/10-5-16
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.