Guru Dadi Caru

Nginget-ngingetang berita né trend di media sosial (medsos) jani, unduk Guru ané ngilut kuping murid trus kalaporang ka polisi, ngemasin kasusné menék ka meja hijau, alias pengadilan. Ané nglaporang tuah bapan muridé, ningeh pesadun pianakné. Kabenengan tentara bapané, marasa hukum katikul ngalemeng, pang da pocol, jani kaketogang kawisesan hukumé. Ada Undang-Undang Perlindungan Anak, ada Undang-Undang HAM. Makejang kaketogang, nuntut oknum guru ané mencanain pianakné kaplekara. Cutet jeg pecat ya dadi guru, mapan sing bisa mendidik. Jaman jani nu masih ada guru malaksana hukuman fisik, sing ngerti Undang-Undang. Kéto irib nyetné pak tentara nto, sangkala jeg plekaranga guruné totonan.

Bawak satua majalan, nak jaman janiné, gumi canggih, manusané ngancan ririh, ulian teknologiné ngendih, ané soleh katepuk ngundang didih, untengné para jana di medsos pedih, gatrané ganjih, kaaud kélorang muridé nto pelih, guruné pantes pedih. Ngimpek, milus, nampél, nto biasa apang muridé nawang jerih.
--------------
Sajaan oo? Yén inget2ang iraga pidan masuk, kanti tawanga kena ukuman di sekolah ajak i bapa lan i mémé, nak sing ja misi nakonang unduk. Jeg pragat iraga kar kena buin jumah, keplakan, pilusan, jimpitan, tamperan, tendangan, jeg maimbuh nyen nto. Suba pikira jak reramané jumah, yén sing iraga pelih, sing mungkin panakné maukum. Nto mawinan jeg generasin iragané sayan kuat mentalé, sing nika kabaos bancih!

Tata krama, suba pasti dadi nomor 1. Asal suba nepukin guru, jeg suba nguntul, lima tuun, "tabé pak, sugra pak/bu". Sing ja bani ampah lakar ngomong ajak guru. Nto masih makejang dadi buka aban2 iragané jumah. Ajak rerama lan né lungsiran, bisa iraga makrama.

Nah, jani?
Ya suba baanga inganan muridé mlajah, sing ada guru ngukum baan ukuman fisik, adi malah ngancan benyah moral murid2e? Apa guruné mula sing bisa ngajain apa muridé kaliwat beler?! Sing kakeneh baan. Nak jeg suba ya, guru dadi kambing hitam/talenan asal suba ada murid belog, ada murid nakal, ada murid urak2an. "Engkén guruné ngajain di sekolah né? Dadi muridé jani sing nawang étika? Adi muridé belog?". Jeg Guru né kna. Kudyang men? Nak suba uli kedituané akéto. Apin ping telu ping pat, ping satak lebak oraang pendidikan etika, msl ento di jumah soang2 né utama, sing ja kagugu. Jeg suba guruné di sekolah pelihanga. TOH!!!

Agetné, buka kasus guru di Jawa né, liu nak mendukung. Upi instansi miwah kramané, dadiné nyidang mediasi damai. Nto buin gara2 panak tentarané nénénan sing katrima dini ditu masuk, paling ia. Nyak dadine damai, né penting panakne nyidang masuk. Hahaha... jeg baud mula. Dong yen ada kéto sekolahan nyak nampi panakné, kasusné mirib lakar terusanga nto. Ckckck... isin gumi. Sing sandang né kéné tuutin jro. Cius né...!!! Diolas Guruné da dadianga Caru. Caru kebodohan orangtua yang gagal mendidik anaknya!! Titik.