NANG TEGTEG Lan I MÉNGONG (Darang Nasi)

Cening Méngong pianak nanang sayang.. | Éngkén nang? | Kanguang nyen nah.. nanang sing ngidaang mliang apa lkar anggon darang nasi.. sing ngidaang cening naar soroh né jaen-jaen (masemu eling) | ???

Adi lacur kéné iraga nang? | Nah kanggoang mlu iraga lacur.. | Kar madaar nanang misi ngeling buat sing ada apa di paon.. | Ahh.. sing ja sing ada apa ning.. | Men apa ada nang? | Nto nu ada nasi séla, ada nang bin duang piring.. tekén sambel tabia kén gerang matunu petang besik..

Mihh bin duang piring gén? Raga kadén jak 3 jumah nang! (I Méngong bareng sedih) | Ae, nto suba ning.. (semu ngeling), jn bapa kar ngalah sing madaar.. | Adi kéto nang? Pedalem icang nanang sing madaar, ija alih bayu? (Ngeling seguk2) | Ae, né nasiné dum dua jk gerangé, cening akau, i mémé akau..

Nang Tegteg kaliwat lacur, kanti madaar tusing nganggon piring..

Nang, kadén iraga ngelah piring, ngudiang madaar ngango kau? (Bingung mesebeng lengeh) | Ahh.. Ohh.. to.. to piringé.. to anu..  kéto.. aa.. pedalem piringé ning.. | Padalem kénkén nang? | Sing adung nasi séla jk gerangé ngango piring.. | Ohhh.. kéto nang | Aaae.. kéto ba.. (paling nyautin mapan piringné suba kadep anggona meli gerang)

Nahh.. nahh madaar, madaar mlu ning.. da magenep2 takonanga.. | Nah nang, dum nasiné jak icang nyak nang? | Ahh.. sing.. sing.. ajeng ba ning.. sing dadi ngarebutin gelah panak. Nanang sing kenapa.. | Men sing seduk basang nanangé? | Da uyut madaar.. jeg cegrem-cegrem nasiné.. (sedih ningeh munyin pianakné ané tumbén tegteg)

Kinyuk2 I Méngong madaar katongosin baan nanangné. Disubané telah nasiné, laut I Méngong ngorahang matané kiap lakar pules.

Nang, Icang ba wareg.. jni icang kiap.. | Ohhh né madan, "Jekjek padang pesu kidung" | Apa to nang? | Betek basang laut uab2 bungut ceningé.. Nahh pules ba ning.. | Nah cang pules nang.. (ngidem lantas i méngong, pules setengah mateng). Nyeliksik lantas Nang Tegteg pesu..

Naang kar kija to? (I Méngong nepukin nanangné pesu) | (aduh ketara jani ne) Ahh.. singg.. nang sing kija.. kar delodné gen ajebes.. sik cah kumisé.. ngalih saté jk raon madura malu.. kar ngurek nanang binsep, pang cai ngelah adi.. mu pules2, masih basang cainé ba wareg.. | Ahh..??? (Di kenehné i méngong : "ahhh... apa ja oranga jk i nanang to? Apa kar ureka pang cang ngelah adi, kadén i mémé ngrang mén tuni, sangkal iraga orina mabanten! Ahh pang ba.. " Seken2 sing ngerti, laut pules)

--PKJ--