Kumis vs Kotak-Kotak

Jani tanggal 20 September 2012. Di Jakarta sedeng pilgub putaran ke-2. Pertarungan 2 kubu ne, incumbent lawan penantang baru. Kumis lawan kotak-kotak. Lokal vs interlokal. Hahaha...!! Nah apa ja anaké ditu ngorahang. Pokokné jani pilgub di Jakarta, Foke-Nara vs Jokowi-Ahok.

Sutha Abimanyu dadi warga Jakarta masih, tapi sing bareng memilih. Boya ja golput, sawireh tusing masuk daftar pemilih tetap. Maklum mara atiban nanggu limang bulan ngoyong di Jakarta. Dadi penduduk ilegal modelne, sawireh sing ngelah kipem, tapi tiang penduduk Indonesia asli kok, KTP Indonesia. Hehehehehe....!!

Kené ba dadi nak rantauan. Kecag-kecog cara bajing terbang. Jani dini maan tugas, bin manian sing tawang ija kadén buin. Jeg bingung bana, keneh bareng memilih pemimpin kwala sing ngidaang. Dilema bedik bana. Hehe..! Antara dadi warga negara yang baik apa ngisinin basang?!
Ahh.. da to lantanganga ngortaang néh. Balik ka pokok masalah mlu, Kumis vs Kotak-kotak.

Nyén ja kira-kira kar menang né? Jeg sing ba tawang pasti. Makejang pada-pada ngelah pendukung fanatik. Foke asli Jakarta, ngaku nak betawi asli. Nah, Jokowi nak uling Solo tapi ngelah trek record luung dadi wali kota Solo.

Nara wakilne Foke masih betawi asli ngaku, kanti taen ye ngomong, "nyen nak betawi ane sing milih pemimpin betawi, ktp-ne lakar dicabut". Hahaha...! Soléh sajan, sing tawanga Betawiné suba telah migrasi ke Bekasi, Depok,Citayem, Cileduk, Banten, pokokne ke pinggiran Jakarta, sawireh telah tanah naké belina baan infestor jujukina MoL, perkantoran, apartement. Dong penduduk DKI jni. To koné paksa orin memilih. Ija ye ngidaang. Apa buin kar nyabut KTP. Daerah administrasi suba malénan.

Ahok, Basuki Tjahya Purnama, usunga jak partai Gerinda nampingin Jokowi ané usunga baan PDIP. Ahok mantan Bupati di Bangka Belitung, suba terkenal kinerjane kone ditu. Keturunan Tionghoa (China), magama Kristen. Nahh... to suba dadianga kelemahan ne terus seranga jk musuhne ane magama Islam. Sing dadi koné memilih pemimpin lén agama. Kéto koné gosip né santer pesu di masyarakat ane tekedanga uling kotbah-kotbah.

Sutha Abimanyu nak belog sing bisa mapolitik-politikan. Jeg kapebalih gen ja. Alih aman, sing bareng-bareng wiréh tiang ten sanget demen jak politik. Segala cara dadi halal di politik! koné..!!

Paling melah jani intip-intipin gen néh.. Nyén ja menang pilgub DKI Jakarta putaran kedua né..?!

Harapan iraga jak makejang, dong suba Jakarta pinaka ibu kota apang maan pemimpin ané terbaik bagi Jakarta. Nahh, tunas icayang masih, ane kalah pilgub jani pang sing setres masuk RSJ, ngenehang kekalahane. Keto masih ané menang pang sing bes engsap ulian kemenangane. Pang makejeng saling dukung. Dumogi.

Sutha Abimanyu nolih uling pesarean gén ba, di kos sesek di tengah kota Jakarta. Sambilang gulak-gulik menikmati hari libur Jakarta. Né Kumis apa né Kotak-kotak lakar menang. Hehehe......!!! Ssssstttttttttt............. dingeh orta ne kotak-kotak ne menang!