"Meehhh.....!! DPR-é teka uling study banding, pang kwala ada hasil, jeg sorohan usul maong pesuanga, jelema-jelema dakin gigi mulaa.. kleee..!!!". Yan Jaé teka ka warung kopiné tan paunduk jeg dengkik-dengkik sada namplak meja.
Para pelanggan warungé makejang makesiab ningeh munyiné I Wayan Jaé, sambilanga granggang-grenggeng. "Sajan I Jaé, sorohan memanes, galak. Inget icang ngelah cicing jumah kikihin jaé giginé jeg nyak galak! Patuh ba cra I Wayan jani, keras kongkongané, kwala sing bani negor", Tut Kunyit ne mula setata sepet kisi-kisi ngajak I Putu Isén né kalem kenyem-kenyem nang tusing ja nyem.
"Nak kénkén ci Yan? Mara teka suba guak-guék cara céléng kondén maturuin palungané?. Misi ngubat-abit DPR pada, apa ladné ada itungan ané tawah-tawah buin pesuanga jak DPR-é Yan?", Man Cekuh ne setata pengah nyeletuk uling tengah warungé sambilanga ngusud-ngusudin liman dakocané.
"Pang tawang ci Man, waké mara mabalih TV, nolih berita. DPR-é mara teka uli study banding kemanusiaan, kunker kone, nelah-nelahang pis rakyat, ojog-ojog teka ngaba itungan kar nganti logo PMI aji logo bulan sabit mawarna barak maiteran tulisan Arab. Buin misi aken nagih ngae pansus! Apa untungné anggo rakyat? Sing ada! Tai sing ada! Suba cara jelema-jelema kuangan gaé di DPR!". Yan Jaé ngancan barak matané ngorta sambil nyemak kerupuk bibihne sing siep-siep kriuk-kriuk nyaruang basangne seduk.
"Luh.. luh.. nang gaenang es téh bli Wayané malu. Da és tabia baanga nyen, nen patuh bli Wayané cara bapak/ibu DPR-é, nyem lalah. Hahahaha...!!", Man Cekuh ngorain Dakocané sada alus nyolék bangkiang misi kenyem mangle.
"Méh yen meganti logo PMI-ne baan bulan sabit barak, sie suud madan PMI (Palang Merah Indonesia) Yan? Bisa dadi BSMI (Bulan Sabit Merah Indonesia). Ija ye nyak luwung? Ba cara DPR-é sing nawang éngkén sejarah Palang Merah gen... to bisa opaka DPR-é jak kompyang Henrry Donat! Wkwkwk....!!", I Putu Isén bungker-bungker kedék.
"Henrry Dunant sing Tu, Bapak Palang Merah Dunia? Jeg donat lakuna!"
"Sap inget cang Tut. Ae to mirib. Hahaha.....".
"Cang masih sap inget, yen sing pelih to nak ba ada kesepakatan internasional, konvensi Jenewa Taun 1949! To ngudiang to né beneh-beneh ganti? Jeg maduegin gen mula DPR-é! (˘_˘)ck! (˘_˘)ck! (˘_˘)ck! ", Tut Kunyit kitak-kituk masaut sambilanga nyeruput kopi luwak asli Bangli né seken ngilangang puruh.
"Kéné nah, pang tawang ci jak makejang..! Logo PMI perlu ganti sawireh bentuk tambah, mirib salib koné.. lambang Kristen! Makané jani nagih gantina aji bulan sabit! Pang paekan gambarne jak Islam!, kéto mirib kenehné! Palang Merah lan Bulan Sabit Merah to nak patuh Perhimpunan Nasional ane ngelah gegaen di Bidang Kemanusiaan, buina ye sing ja medayang Agama, Suku, Ras ato Golongan yen metulungin anak. Buina suba karuan melénan salib jk palang, ke agama pasih abana. Nu masih jugjaganga. Pang ngidaang ngaé pansus lan ngeruk pis rakyat! Aruhhh.... yen terus kéné unduké, kayang pemilu 2014 aké kal golput!!", Yan Jaé rengas sada ngaplakin jit dakocané nyaruang basang gedeg, ken paek ento kaplakina.
"Mihh kating agama ubat-abita, abana ke logo PMI. ĦάªĦάªĦάª asli pengeng DPR-é né. Yen cara icang sepalanan nganti Yan, jeg logo palangné ganti aji ong kara gen! ĦάªĦάªĦάª ".
Pabriag kedék para pelanggan kopi warung pojok dangin jalané ningeh munyiné Tut Kunyit.
Tapak Dara - dari dulu memang sudah begitu - yen dot melali DPR e sing perlu pura-pura bahas ini itu - orahang gen beneh-beneh dot ngidih pipis sik negarane - sing keto men
ReplyDeletesuksma
rare-angon nakbalibelog
DPR-e nak lek lek gerita bli... Ye lek ngidih pipis anggon melali kwala mekita pang pang maan melali, ddine tugas kunker abana.. melali maan, pipis masih maan..
DeleteAseekkkkkkk...!!!