PEMIMPIN BALI WARSA 2012

Sameton Sutha Abimanyu, sampun uning ke sareng gubernur lan bupatinnyane soang-soang ring Bali? Sutha Abimanyu daweg puniki, ulian iseng ngutak-atik ngarereh gambar ring internet, iseng munduh-munduhang gambar para niti praja, sang ngamong rat ring Bali. Ngawit saking gubernur, bupati lan wali kota. Tatkala mapunduh jeg percuma asane nepang ring file komputer, nika mawinan post titiang mangkin ring Blog. sakemaon ledangang, niki wantah pamucukne kemanten, para wakilnyane minab ungkuran post titiang malih.

Ten panjang atur malih, niki sampun pimpinan druene ring Bali. Dumogi sida magetah utawi maguna tulisan titiange puniki.

Gubernur Bali. 

(Made Mangku Pastika)

Bupati Karangasem. 

(I Wayan Geredeg, S.H.)

Bupati Klungkung. 

(I Wayan Candra)

Bupati Bangli. 

(Made Gianyar)

Bupati Gianyar. 

(Dr.Ir.Tjokorda Oka Artha Ardhana Sukawati,MSi.)

Bupati Buleleng. 

(Putu Agus Suradnyana)

Bupati Jembrana. 

(Putu Artha)

Bupati Tabanan. 

(Ni Putu Eka Wiryastuti)

Bupati Badung. 

(A.A. Gede Agung)

Wali Kota Denpasar. 

(I.B. Rai Dharmawijaya Mantra)

Wahh.. sampun samian niki ngihhh..?? Ten wenten sane kecag malih..!! Yening cingak-cingakin, ganteng-ganteng plus gagah lan subur-subur para pimpinan jagat ring Bali ngih...?! Yeehhh.. saja, wenten sane paling jegeg nyelolet asiki, Ibu Eka Bupati Tabanan. Bakat makejang orahang ganteng. Ajak 6 (nenem) Bupatine makumis, dumogi jagat sane kapimpin nenten nular KUMIS (Kumuh lan Miskin).  Hehehehe..!!

Para sang ngamong rat puniki sampun sane madue kebijakan-kebijakan indik ngalestariang jagat Baline turmaning nincapang sakancan sektor ekonomi druene ring Bali. Dumadak ja, sangkaning sinar Sang Maraga Nir ring luhuring akasa, para Sang Ngamong Rat puniki prasida stata madue pikayunan becik lan tulus jagi ngayah nyengcengang jagat Baline. Punika mawinan ngiring sareng-sareng wantu dane, yening dane wenten iwang elingang piteketin, tunjangin sareng-sareng mangda nenten nyerendeng pemimpin duene. Yening wenten program dane sane becik, ngiring jugjugin, dukung mangda berhasil. Sampunang jeg satata nyulik-nyulik jelek sang pemimpin. Yening jelek icen kritik, wantu antuk solusi. Sampunang nyelek-nyelekang pemiimpin iraga padidi, mapan yening nyelek-nyelekang utawi ngenyek pamimpin padidi satmaka makecuh marep menek. Pidan iraga ne milih, jani iraga ne keciwa. Punika mawinan melah-melahang milih pemimpin. (jul)