Jaman jani koné jaman globalisasi. Makejang harus nawang teknologi. Internet suba sing buin madan barang mael. Makejang suba nawang internet. Uli kota kanti ka désa. Cenik-tua, bajang-lingsir pada paéngin ngédéngang gaya. Hp tusing buin madan barang mael, makejang nyelet hp di kantong celanané. Kanti tukang ngarit padang hp-né pada peaéngin.
Iraga bangsa Indonesia kajajah baan barang-barang elektronik uling luar. Uli TV, radio, dvd, vcd, TV kabel langganan, parabola, komputer, laptop, hp miwah sané lianan. Cara jani jaman hp smartphone, hp pintar koné. Sing kanggo hp ané tuah ngidaang sms kin nelfon, "Hp apa kéto, désa sajan!," kéto munyin bajang-bajangé. Yen hp pang ngidaang langsung internetan, nolih peta, ngalih informasi cukup uling hp, tinggal klik makejang ngenah, tinggal klik makejang suba tawang, ento suba ané kaalih. Sebates facebook, twitter, masangger, chating, YM ento suba dadi aplikasi wajib di hp cara janiné, yén sing misi kéto sinah hp-né lakar udu. Sebates Fb-an jak Twitteran kating né tua-tua makejang suba nawang. Ngaba hp smartphone, "Dunia di genggaman" kéto iklanné ngorahang.
Anak cerik-cerik makejang pada nagih hp canggih-canggih, paling enduk hp BB tetagihané. Nak tuané masih bonggan, tau tekén mampu jeg ulurina panakné, nu cerik-cerik suba baanga ngaba motor, gruang-gruéng di jalané kebut-kebutan buina tusing ngaba SIM. Jeg ngulurin sakita keneh, apa tagiha jak panakné kabaang. Ratu bhatara, yen dadi bana, mirib mara makeples ba baanga hp tur alianga SIM panakné.
Uli SD, SMP, SMA, KULIAH, makejang pada paéngin ngédéngang teknologi, hp canggih, motor canggih seri terbaru. Makejang sarwa jréng. Saling pengaruhin timpal-timpalné apang nuut tusing kalah jaman. Ané ngelah reramané uli keluarga pas-pasan tagina magenep-genep, pengeng suba nanangné jumah, "Pa bliang motor baru, pa bliang hp BB, pa bliang TV baru, Pa bliang laptop, Pa bliang iPhone". Tagihina magenep-genepan bapané jumah, setrés lantas laut setruk...............!!!! (˘_˘)ck! (˘_˘)ck! (˘_˘)ck!
Kudyang men? Kéné kadané..!!
No comments:
Post a Comment
Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.