Sameton Sutha Abimanyu sane banget sutresnain titiang, sapunapi gatrane rahinane mangkin? dumogi setata ngamangguhang kerahayuan lan karahajengan tatkala ngamargiang sakancan pakaryan druene. Rasa angayu bagia pisan titiang tepengan mangkin, santukan ulian iseng-iseng titiang utak-atik pekak Google ngarereh gatra (informasi) indik aplikasi mantram Hindu ring hape android sane kaicen antuk sawitran titiange bli Radheyasuta dawege inuni sanja (Saniscara, 20/10/2012). Aplikasi puniki tan ja tios wantah Virtual Mantram Hindu V1.0 (android froyo 2.2 lan gingerbread 2.3). Ri tatkala titiang searching ring pekak Google, jeg malih titiang nyingakin aplikasi sane sejenis (mirip) inggih punika Java Virtual Mantra dan Tasbih Hindu. Tios ring punika, maweweh titiang polih informasi indik kamus basa Bali online malih, tan ja tios wantah sawitran titiange BliyanBelog sane mosting tulisane punika ring blognyane, sada tigang postingan akehne. Punika mawinan titiang makita makarya gegoresan akidik ring genahe puniki mangda wenten taler tetimbangan (referensi) ring sameton Sutha Abimanyu ngarereh gatra indike kadi inucap, mapan katah sameton sane nakenang saparindike puniki. Ngiring mangkin tatasang siki-siki.
Virtual Mantram Hindu
- Virtual Mantram Hindu V1.0 (android froyo 2.2 lan gingerbread 2.3). Aplikasi napi puniki? Tan ja tios wantah aplikasi sane madaging mantra-mantra persembahyangan umat Hindu ngarahina sane kaketus saking cakepan "Doa Sehari-hari Keluarga dan Masyarakat Hindu" olih Ida Pandita Mpu Jaya Wijaya, sakadi mantram Trisandya, mantram ngarahina, mantram insidentil miwah mantram khusus. Mantram Trisandhya-nyane lengkap madaging suara. Aplikasi Virtual Mantra Hindu puniki taler madaging pikeling jam sembahyang semeng, siang lan sanja, sanne dados taler ka-share ring facebook lan twitter. Sakemaon aplikasine puniki wantah prasida mamargi ring hape smartphone android (froyo 2.2 lan gingerbread 2.3) besutan saking kakiang Google kemanten. Sane tiosan durung wenten. Nahh...! Sapa sira ke sang jadma sane ngaryanin aplikasine puniki? Wantah I Dewa Putu Yudi Hermawan, S.Kom. silih tunggil sarjana lulusan STIKOM Bali. Aplikasi puniki wantah tugas skripsi dane sane sampun kakembangang, tatujon dane ngaryanin aplikasine puniki wantah kanggen portabilitas lan mangda dangan (mudah) ritatkala malajahin lan nganggen mantram Hindu ngarahinane. Manut sawitran titiang beli Radheyasuta, wenten kakirangannyane akidik, inggih punika wenten arti ring mantra lan mantram sane katulis (beberapa) mabinayan, pikeling (alarm) Trisandhya suarannyane alit nenten prasida kagedenang, tur kirang pilihan share mantram-mantram sane tiosan, sane prasida ka-share wawu pikeling Trisandhya kemanten. Nanging yening tatasin titiang, aplikasine puniki dahat akeh pisan kawigunannyane turmaniing sampun becik pisan, dumogi ja sang pengembang ngancan nincapang versi aplikasine puniki mangda sayan becik aplikasi Virtual Mantram Hindu puniki. Turmaning sahananing karmawasanan sang pengembang mangda stata kacatet antuk sang Suratma. (Sane jagi download aplikasine puniki rarisang adungang sareng OS Android druwene. Froyo 2.2 lan Gingerbread 2.3).
- Virtual Mantra dan Tasbih Hindu Bali. Indik aplikasine puniki wantah memargi ring hape sane madaging program Java kemanten. Sane nenten madaging java, otomatis sampun durung prasida mungguh, nanging ring android titiang newek durung polih nyobak, napi sida mamargi napi durung turmaning indik daging aplikasine puniki taler titiang durung tatas asapunapi. Aplikasine puniki dumunan medalnyane (download update terakhir VMTH_v1.2 - 5 Juli 2011) sadurung Virtual Mantram Hindu V1.0 (2012). Pengembang aplikasine puniki wantah sameton saking Buleleng, Ketut Joko Wibawa. Manut Informasi saking sawitran tiang BliyanBelog, Aplikasi puniki marupa "Jar (664.5 kB)" sane dados langsung ka-instal ring hape sane sampun madaging java (BlackBerry dados kayakne niki). Ring aplikasi puniki madaging : Mantram Hindu lengkap beserta artinya (1 buku); Mantram bisa dikirim/di-share ke nomer hape via sms; lan Tasbih dengan tiga mantra Om, Gayatri dan Om Nama Sivaya, kasarengin antuk suarannyane.
Kamus Bali Online
- KamusBali.com, sameton sering nerjemahang basa Indonesia, Inggris, Jepang, Korea, China, Itali, Belanda, msl. ring Google Transliter/Terjemahan? Nahh...! Ring kamusbali.com mirip pisan tampilane asapunika. Simpel tur maning nenten ruet. Ketik kata utawi kalimat, langsung terjemahkan. Pragat...!!! Sing keweh, saking tigang web sane paparang titiang mangkin, titiang paling klik sareng niki. Trjemahannyane madaging pilihan basa Bali alus, madya, lan kasar. Nanging wenten kirangnyane, kosa-basa(kosa-kata)nyane kantun kirang. Perlu sang madue aplikasine puniki ngarereh kamus lengkap basa Bali dumun ring dinas Kebudayaan sane pinih nampek ring genahnyane turmaning durung prasida nerjemahang kruna-kruna sane madaging wewehan (pangater, seselan, pangiring, konfiks).
- Kamus Bali Wae, niki kamus Bali sane inovatif malih, English-Indonesia-Bali ia (kasar)-Bali ipun (madya)-Bali ida (halus). Lengkap pilihan terjemahanyane, nanging kantun ngae bingung lan pikobetnyane pisan, pateh sakadi ring ba duur. Kosa basannyane kirang, patut kaparipurnayang malih.
- Kamus Bali - Indonesia, nah niki ampuun sane paling ngae tiang gila basange nganggen nerjemahang, uling mara mukak sampun uyak iklan (web hosting) ane memperhambat iraga sabilang mukak pilihan baru utawi back lan refresh (menyegarkan) terus ngenah iklane, iraga ibukanga baan nga-close iklan gen. Samaliha, kosa-basannyane kirangg pisan, sakancan kruna ane bakat ketik sing ada oranga, uli ngenceh, nyakan, manjus, nyongkok, msl. Turmaning sabilang suwud nerjemahang abesikk buin ngeklik opsi terjemahan, buin nengok iklan. Aduhh.. enggalan med bana. Sakemaon titiang tetep apresiasi antuk karyannyane, nika sampun nyak sameton Bali ngaryanin web kamus basa Bali online, dari pada titiang newek durung prasida ngaryanin napi-napi (nyadar diri kidik! hehehehe...!!). Dumogi ngancan ngelimbak web puniki ngancan paripurna malih.
Ainggih sameton Sutha Abimanyu sareng sami, suksma pisan sampun nyarengin titiang rahinane mangkin ngawacen tulisane puniki. Pangaptin titiang dumadak wenten pikenohnyane. (Jul)
Beh puniki wau ja gatra sane becik tur mawiguna pisan ring indik aplikasi2 Hindu. suksma ring sang madue Blog niki, Blog mabasa Bali, lanturang malih makarya ngajegang Bali Bli :)
ReplyDeleteSuksma sampun simpang...! Kanggeang, niki blog wantah anggen tiang genah nylimurang manah kemanten, dagingnyane kantun makacakan niki... ledangang dumun, hehehe...!
DeleteUntuk Aplikasi Web Kamus Bali http://kamusbali.webege.com/ ,
ReplyDeletemohon maaf itu hanya sekedar project untuk memenuhi Tugas Kuliah kami di masa itu. Jadi belum lengkap kosa-katanya dan hanya kami unggah di hosting yang gratisan.
Terimakasih,
Ketut Joko Wibawa
Inggih ten punapi, umpami jerone madue galah, becik yen limbakang aplikasi puniki mangda paripurna....! Salam Rahayu..
Deletedados numbas nmor kontak bli ?
ReplyDeletetyang pateh mhasiswa STIKOM Bali, sane mangkin puniki tyang smester akhir