Ngantosang Ulung I Bungan Jepun (Satua Satonden 5)

Om Swastyastu, sameton Sutha Abimanyu sareng sami, ungkuran puniki wénten gatra para kramané ring Bali wiadin luar Bali pada inguh makejang banting setir ngalih geginan tambahan dadi "Tukang Nuduk Bunga Jepun". Seken né? Apa guyu?

Nuduk Jepun? Why not! (Foto ngunuh ring FB)

Hééii...!! Nak ada apa né? Jeg ketinggalan informasi bana tiang ring rantau info update Bali terkini. Makejang tepuk ngae status ring Facebook (FB), Twitter lan media sosial lianan ngorahang: "lakar nuduk jepun mlu ahh..."; "Pang kanguanga dadi mantu cager, jepun ohh.. jepunnn"; "Ngepah ngélél ngantosang ulung i bungan jepun". Mihh..!! Jeg ba cara judul novel status para bajang/trunané jumah di Bali. Sané sanget tawah, wénten kanti ngaryanin tride "Mantu Cager, Tukang Nuduk Jepun". What's going on..??

"Aahhh.. guyu né!," kénten tiang makeneh. Usut kali usut, cék lan recék, wusan tiang survei mulih ke Bali lintang udara, aaaighhhhh...!! Ohhhh....!! Ternyata ulian ento nak liu magarangin bungan jepun. Cenik gedé, bajang tua indeng-indeng ngaba plastik utawi krésék, sebilang ada punyan jepun magarang beténé marebutin nuduk bungané ané ulung. Buina bunga nu tekek-tekek mara kembang suba pukpuka, kanti ada ané ngelahang punyan jepuné uyut koné, kondén bakat empoka bungan jepunné kar anggona banten canang, suba jeg sagetan ada anak ngalih ngemalunin, misi ngempakang carang jepun buin. Aget sing ulung totonan. What's this a joke?

"Ajin jepun tuhé aji 100 talian akilo jani Dék, dupané mael, lakarné kuang, pesenan liu!," nika pasaut mémén tiangé ring désa tatkala iseng tiang matakon cék lan recék indiké inucap lintang telpon. ╋╋aa╋╋aa╋╋aa...!! 

Bungan jepun sané sampun tuh wantah sayuakti pinaka silih tunggil bahan baku kanggén ngaryanin serbuk dupa/hio, ungkuran puniki taler nge-trend kanggén bahan lulur ring Spa (tongos pijet modern).

Kedék magebris bana ningehang jak ngenehang tingkah polah naké jani. Jeg sing ja taén tekun. Apa ja ramé kéto barengina. Apa krésekanga, kéto krosokanga. Cara ipidan, Tabia mael, magrudugan mamula tabia. Panén tabiané laut mudah lantas ajinné. Ngaku rugi lantas. Kopok aqua mael koné kiloané, magrudugan liu alih profesi dadi pemulung dadakan, ija ada gaé ditu ada nak ngunuh kopok aqua. Jani bungan jepun tuh mael, ajak liu dadi tukang nuduk bunga jepun. Mimihhh....!! 

Nahh.. yang penting tan ja "kenyang panyuh", malunné gén kenceng sakéwala ngured-nguredang saterusné!! Pang jeg saja kramané tekun ngaruruh karya, sampunang pilih-pilih bekul, makejang boya susul, payuan negak nengkul, jani payu lek nguntul, nyerucut ancul-ancul. Pang da kénten! Gaé apa ja, yang penting seken gaé melah, sing ja ulian ngamaling utawi mamirat! Jeg gaénin, apang makebetan péléngané, lan gangggangang sipahé. Tiang apin joh dini di jagat Batavia, kar bareng masih nuduk jepun néghh...!! Pang dadi mantu cager masihhhh....!! Aseeekkk...!! (Jul)