Tumpek Landep dan Mantra Suci Pasupati

Sabtu/Saniscara puniki Tumpek Landep ton. Rahina Saniscara Kliwon ketah kabaos Tumpek. Mapan wukune Landep, rainane ketah kabaosang "Tumpek Landep". Landep teges ipun 'lanying/mangan/tajam'. Rainan puniki rauhne nganem sasih apisan, mapan nganut pawukon, 210 dina apisan. 

Ring Tumpek Landep puniki tedun Ida Sang Hyang Pasupati mayoga. Sang Hyang Pasupati pinaka perlawatan Ida Sang Hyang Widhi/Bhatara Siwa marupa Bhatara sane madue kasaktian pinaka pelindung muah mitulungin urip sadaging jagat. Pasupati mawit saking kalih kruna, Pasu mateges hewan/binatang, lan Pati mateges raja. Napi tegesnyane? Ring raina Tumpek Landepe puniki, iraga dados manusa kanikain mangda sida ngeret sifat-sifat kehewanan/kebinatangan ring jroning manah i manusia. Yening sampun sida kakeret, sinah i manusa prasida nganggen piranti lanying/mangan/landep (dan ilmu pengetahuan dalam diri) nganut kawigunannyane. 

Rahina Tumpek Landep puniki kantun pinaka rentetan rahina Suci Saraswati, wusan teduunnyane Sang Hyang Aji/ilmu pengetahuan patut ilmu sane kapolihang punika kasangih/diasah mangda sayan mangan lan lanying/landep tur ngawetuang pikenoh (manfaat) sane becik ring kahanan idup lan angga sariran iragane. Dadosne, ring rainan Tumpek Landep puniki, nenten ja wantah mantenin piranti lanying/mangan utawi sane malakar aji besi kemanten, nanging taler kasuksmane ring angga soang-soang gumanti landeping idep, mempertajam pikiran malarapan ilmu pengetahuan/ajah-ajahan. Yen sampun maidep/berpengetahuan, sampunang anggena melog-melog timpal. Ten dados, yan sira landep, ajwa natonin, ajwa minteri.

Swasti rahinan suci Tumpek Landep sameton..., malarapan pangaci ring Tumpek Landepé puniki, ngiring ja sareng-sareng mulat sarira, nyiksik bulu nyujuh pamargi sane becik, tur ngiring ja sangihin mangda ngancan mangan/tajep (kritis dan cerdas) papineh iragané sami, dumadak Sang Hyang Pasupati sih sweca mapaica wara nugraha...!
NB: Ring sor katur mantram pasupati tatkala mantenin/ngupakarain piranti-piranti (alat-alat yang membantu kita dalam kehidupan) sane tajep/mangan ring rahina Tumpek Landepe puniki. 
 

Om, Pasupati vajra-yudhaya, Agni raksasa rupaya, Purwa-desa mukha-sthanaya, Om, Pasupataye, Hung-Phat.
Om, Pasupati Dandha yudhaya, Agni raksasa rupaya, Daksina-desa mukha-sthanaya,Om, Pasupataye, Hung-Phat.
Om, Pasupati Pasa-yudhaya, Agni raksasa rupaya, Pascima-desa mukha-sthanaya, Om, Pasupataye, Hung-Phat.
Om, Pasupati Cakra-yudhaya, Agni raksasa rupaya, Uttara-desa mukha-sthanaya, Om, Pasupataye, Hung-Phat.
Om, Pasupati Padma-yudhaya, Agni raksasa rupaya, Madhya-desa mukha sthanaya, Om, Pasupataye, Hung-Phat.

Om, Sri-Pasupati Aksobhya ya namah swaha.
Om, Sri-Pasupati Ratnasambhava ya namah swaha.
Om, Sri-Pasupati Amitabha ya namah swaha.
Om, Sri-Pasupati Amoghasiddhi ya namah swaha.
Om, Sri-Pasupati Vairocana ya namah swaha.
Om ano badrah kratavo yantu visvatah

Artinya :
Oh Hyang Widhi dalam wujudmu sebagai Pasupati, yang bersenjatakan bajra yang bersthana di arah timur,

bersenjatakan dandha (tongkat) yang bersthana di arah selatan 

bersenjatakan panah yang bersthana di arah barat 

bersenjatakan cakra yang bersthana di arah utara 

bersenjatakan padma yang bersthana di tengah-tengah 

 

Oh Hyang Pasupati aku memujamu
Oh Hyang Pasupati dalam wujudmu sebagai lima buddha kebijaksanaan yang dimuliakan
Aksobhya yang bersthana di timur
Ratnasambhava yang bersthana di selatan
Amitabha yang bersthana di barat
Amoghasiddhi yang bersthana di utara, dan
Vairocana yang bersthana di tengah-tengah
Semoga kebenaran datang dari segala penjuru