Crocok Berok (CBR) Lebian Raos Sing Ada Tai

Blijul ketemu timpal Gokil

Sameton Suta Abimanyu, Rahayu sareng sami. Suksma sampun simpang ring blog puniki. Sira Uning tertarik simpang ulian nyingak judul kaketikane puniki (lamun nulis kan gaguratan wastane, lamun ketikan di keybord laptop/PC, kaketikan gen pun sepakatin ngih! Demen-demen atin tiange gen ja Gung 😆Jeg tampi, keto!). 

Napi sane mawasta Crocok Berok (CBR) puniki? Sira uning?

Crokcok lamun ring kamus, kasinahang basa Sunda artine buaya. Berok ring Kamus Basa Indonesia kartiang perut bagian bawah, arti tiosnyane sampan kecil, terbuat dari kayu, tidak bertutup. Terus, crokcok berok nika napai? Masak Beten Basang Buaya? 😅😅 Celak Buaya artine! Hahahaha....! Ada-ada doen.

Nganut lingsir-lingsir tiang jumah, crokcok berok (singkata baan istilah CBR) punika tuah ja istilah, sasengguhan. Kocapang ring anak ane liunan munyi, sing karuan mabungkulan raos. Apa kaden raosanga, jeg pokokne ngoceh terus, liu tuturne, ba cara paling nawang kawala sing ada empugan, sing ada apa de, getar di raos tuna di laksana. 😁

Minabang tiang kruna crocok/crokcok puniki saking kruna crucuk/crukcuk (kedis ane demen nguci, liu munyi). Crocok punika sane kaartiang liu munyi, banyak omong. Berok niki lamun artiang Berak, tai ya. Men artiang beten basang, apa men? tai masih. Crocok Berok, liunan munyi sing ada tai. Ahhhh.....? Engken asane? Nyak mirib ngih? Hahahaha.... 😂😂😂

Nah jeg nyak-nyakang gen, Nyak?! 

Nah yen suba keto, hati-hati lamun ada nak ngorahang awake CBR, mapan artine Crokcok Berok, Liu Munyi Sing Ada Tai.

"Aihh CBR teka, kalain maih"

Blijul/PKJ - Kendari, 25/07/2023