SATUA: I GAJAH

SATUA I GAJAH

Dugas jamane malu konden ada manusa, baburon, entik-entikan, nu suung. Ditu Ida Sang Hyang Pramesti Guru mapajar:

“Dewa, Dewa Brahma kengken carane jani, ne ada ulian papupulan pertiwi, pupulan tanah pang ngidang dadi jlema, pang ngidang dadi watek baboron, sarwa ne maangkihan? Dewa ne patut ngidupang makejang, sarwa entik-entikan, sarwa baburon, sarwa manusa.”

Ditu paturu kal ngedengang kawiryan kawisesan. Dadi sabilang majujuk papopolane to, Ida Sang Hyang Pramesti Guru mapajar ring Ida Batara Wisnu:

“Kengken Batara Wisnu? Edengang karirihane jani.” 
“Edengin karirihane pang sing ja ngidang  Ida Batara Brahma, ngentikang ngae manusa. Kenken carane pang papopolane pang benyah?”

Pah, ngae ujan Batara Wisnu. Pah jeg grudug ujan. Ditu Ida Sang Hyang Pramesti Guru lantas mabaos, “Yen saja Ida Batara Brahma ngidang ngae idup kal ajeng taine,  ajum Ida Sang Hyang Pramesti.” Pah pireng ken Ida Batara Brahma, ngae ida papopolan. Dadi gaenanga taru, gaenanga taru, mongken geden ujane sing kena yeh, to mapan ba matekep uli ba duur.

Pah duegne to,  to lantas lekad, ngae masi I Manusa luh muani, I baburon luh muani. Nah gelis satua, dadi enggal suba, ditu lantasang salah sulup salah wedi. Kramane I Beburon melah, beneh bane ngejang ken  Ida Batara Brahma, ia ngidang ngadakang keturunan. Kamane I Manusa lantas pelih bane ngejang,  kamane I Manusa luh I Manusa luh ngraksa, kamane I Manusa muani I Manusa muani ngraksa, sangkal sing ada keturunan sing ada daya tarik.

“Badah, pelih nenenan.”

“Suba lantas ba liu ada keturunan I Beburon, “Ih iba watek Beburon makejang, Ida Sang Hyang Pramesti Guru mapajar, “Jani ajak makejang jang celak caine muani muani makejang, jang senjatan cai, celak cai jang, pang sing cai ngidang matemu rasa.” Bah ada ngrenggeng, celak oraina ngejang, ada sing setuju keto.

“Yen cai sing setuju batara mabaos ne. Kal copot celak ci ajak makejang.”

“Enggih enggih enggih, ampunang sue Ratu Batara, yen sue rugi titiang, ampunang sue-sue nika.”

Nah kejep gen keto, onyangan lantas ngembus celak. Ne muani ngaba celak jang.

“Ne ne ne dugdugang celak ci dadiang besik.”

 Ditu lantas Ida Sang hyang Pramesti Guru, nyilurin kamane I Manusa. Kamane I Manusa luh, ane muani baanga ngaba,  kamane I Manusa muani ne luh baanga ngaba. Pang nyak ia metu saling idih. Paling malu jang di mata, di sledet, kola bes lebihan punyah berarti kaman ia ada ditu. Sangkal nak luh makita kin nak muni, nak muani makita kin nak luh , to ulian kama masing-masing pada ngraksa. Yen nak muani nagih raga, berarti ia nagih gelah ia ne ada ditu. Nak luh makita ken nak muani, nagih gelahne sig nak muani. Mara ada pertemuan jani di sledet, mara nolih gen ia ba dot. Ooo lantas nyeledet, berarti ada barang raga ditu, kalo ada daya tarik dasa tepuk jlema makadasa bakat oraang luung. Jeg onyang ngraksa barang raga, sabatek liwat bakat orahang ganteng ia, aaaa keto cerita,  ba.....,

“Nah iba watek Beburon makejang sawireh jani suba beneh pajalan I Manusa, ba patut, dadi bakat beneh wake ne maluan. Jani ba beneh  jang jang kaman I manusa, ba nyak ye akur nyak ia metu saling tagih sangkal ngwetuang watek sarwa keturunan. Nah jani kema jemak celak caine ajak makejang.”

Pah mara dingeha, sawireh makelo ia ngejang celak, I Jaran lantas ia, paling  paten ia malaib, paling  kencenga palaib Jaran jak ia I kidang. Jeg mara dingeh konden pegat, baos Ida Sang Hyang Pramesti Guru jeg mlaib. Nah ditu jemaka celak paling gede ken I Jaran, paling gede jemaka. Suud keto I  Kidang pah mapan ia, paling gencang malaib. Teka I Cicing, “nah biar tiang maan celak cenik yang penting makelo ngatut.” Keto ia. Onyang nyemak. I Sampi diduri. Lantas sawireh I Gajah sing ngidang malaib, neked ditu dapetanga celak paling cenik nu, sing celak ia to. Pah ngepeh  I Gajah ngeling, ngeling I Gajah, jeg bulanan I Gajah ngeling. Pangelingina celak ia ilang, kanti kubil matan I Gajahe ngeling. Sangkal kayang jani matan I Gajah kubil,  to kubil matan Gajah kayang jani, Dija ada matan gajah nengeng, makejang kubil matan Gajahe.

“Iba Gajah adi cai ngeling adi? Engken unduk cai nenenan?”

“Ratu nawegang titiang Ratu Batara, kranane titiang ngeling puniki duaning celak titiange ilang. Sira kaden ngambil  niki wenten kadung celak paling cenik wenten driki.”

“Badah kene san Gajah, sawireh ba suud nak ngedumang celak, sing ada lakar celak buin,  yen sing kanggoang cai nenenan, sing cai maciri luh muani keto tawang cai. Sawireh sing ada buin lakar celak dija alihang, dija alihang cai?.”

“Bah titiang muani, kanggeang titiang.” Sangkal kayang jani amonto geden Gajah celakne tuah amun lidi.

“Bah men nyen nyuang celak ci?”

“I jaran nika!”

“Aih iba Jaran kenken adi iba, adi ngawag-ngawag?”

“Wah tiang nak macepet-cepet niki malaib, ne paling gede tepukin, ne paling gede juang tiang.”

“Sawireh iba nyemak ne sing patut gelah sing ngelah tongos dadi celak iba, pedum nak len dadi juang iba, kayang kawekas celak iba pang sing ngelah umah. Sangkal kayang jani celak jaran malegleg. Nah keto ceritane.